Жаңа зерттеулер көрсеткендей, ядролық энергияны пайдалану кейбір елдерде климаттың өзгеру салдарын жеңілдетуге көмектеседі

АЭХА үйлестіретін үш жылдық жоба шеңберінде ұлттық деңгейде жүргізілген зерттеулерге сәйкес Армения, Гана, Польша, Түркия және Украина сияқты елдер парниктік газдар шығарындыларын азайту және КС-26 (COP26) Климаттық саммитінде келісілген мақсаттарды қоса алғанда, климаттың өзгеруіне қарсы күрес жөніндегі мақсаттарға қол жеткізу үшін ядролық энергияны пайдалану тұрғысынан айтарлықтай әлеуетке ие.

Осы Үйлестірілген зерттеулер жобасын (ҮЗЖ)  іске асыру барысында алынған деректер өткен жылдың қараша айында өткен КС-26 (COP26) кезінде келісілген «Глазго Климаттық пактісінің» талаптарына сәйкес климаттың өзгеруіне қарсы күрес жөніндегі неғұрлым өршіл ұлттық мақсаттарды қолдау үшін ядролық энергияны неғұрлым кеңінен пайдалану мүмкіндігін атап көрсетеді. 30-ға жуық ел ядролық энергияны 2015 жылғы Париж келісіміне сәйкес ұсынылған жоспарларға енгізді, онда «ұлттық деңгейде айқындалатын салымдар» деп аталатын шеңберде келісілген жақын мақсаттар (2030 жылға дейін), сондай-ақ шығарындылардың нөлдік деңгейіне қол жеткізу жөніндегі неғұрлым ұзақ мерзімді стратегиялар қаралады. ПКИ жұмысының нәтижелері климаттың өзгеруіне қарсы күрес бойынша неғұрлым ауқымды мақсаттарға қол жеткізуге ұмтылатын елдер арасында ядролық энергияға деген өсіп келе жатқан қызығушылықты көрсетеді.

• 20.05.2022
• 270