Маңғыстау облысының мемлекеттік сәулет-құрылыс бақылау басқармасының басшысы тағайындалды

Бүгін, 23 мамырда өңір басшысы Нұрлан Ноғаевтың өкімімен Маңғыстау облысының мемлекеттік сәулет-құрылыс бақылау басқармасының басшысы болып Дәурен Өтепқали тағайындалды.
Дәурен Талапұлының «Құрылыс» және «құқықтану» мамандықтары бойынша жоғары білімі бар.  

Еңбек жолын 2010 жылы Маңғыстау облысының сәулет-құрылыс бақылау басқармасында бас маман болып бастаған. 2011-2013 жылдар аралығында ҚР Құрылыс және тұрғын үй коммуналдық шаруашылық істері агенттігінің Маңғыстау облысындағы филиалында жетекші маман, бөлім басшысы қызметтерін атқарған.
2015-2022 жылдар аралығында облыстық мемлекеттік сәулет-құрылыс бақылау, кейін қала құрылысын және жерді бақылау  басқармасында бөлім басшысы, осы басқармада басшының орынбасары болды.

Аталған мекеменің оңтайландырылуына сәйкес жерді бақылау функциясы басқа мемлекеттік органға берілуіне байланысты 2022 жылдың наурыз айынан бастап осы күнге дейін ҚР Ауыл шаруашылығы министрлігінің Жер ресурстарын басқару комитетіне қарасты облыстық департамент басшысының орынбасары қызметін атқарып келді.
  
Облыс әкімі ұжымға басқарманың жаңа басшысын таныстырып, жұмысына табыс тіледі.

• 23.05.2022
• 234