2021 жылы Маңғыстау облысы мен Германия Федеративтік Республикасы арасындағы сыртқы сауда айналымы 54,3 млн АҚШ долларын құрады.

Бүгін, 24 мамырда облыс әкімі Нұрлан Ноғаев Германия Федеративтік Республикасының Алматы қаласындағы Бас консулы Марио-Инго Зоосты қабылдады, деп хабарлайды Маңғыстау облысы әкімінің баспасөз қызметі.

Екіжақты кездесуде инвестициялық мүмкіндіктер мен өңіраралық кәсіпкерлікті дамыту перспективалары, сондай-ақ Маңғыстау облысы мен Германия Федеративтік Республикасы арасындағы экономикалық байланысты одан әрі нығайту мәселелері талқыланды.

Маңғыстау облысының сыртқы сауда байланысында Германияның маңызы зор. 

Маңғыстау облысының Германия Федеративтік Республикасымен сыртқы сауда айналымы 2021 жылы - 54,3 млн АҚШ долларын құрады, оның ішінде экспорт – 20,2 млн АҚШ долларын, импорт – 34,1 млн АҚШ долларын құрады. 

Сонымен қатар, облыста экономиканың түрлі салаларында неміс капиталының қатысуымен 14 кәсіпорын тіркелген.

Кездесу соңында тараптар экономиканың түрлі салаларында нақты жобаларды жүзеге асыру үшін ынтымақтастықты жалғастыруға дайын екендіктерін білдірді.

• 25.05.2022
• 250