Ақпарат және қоғамдық даму вице-министрі С. Егізбаев магистранттары және докторанттарымен кездесті

Ақпарат және қоғамдық даму вице-министрі С.Р. Егізбаев  «Қоғамдық келісім» РММ-де Л. Гумилев атындағы Еуразия ұлттық университетінің магистранттары және докторанттарымен кездесті.

Іс-шараға ҚР АҚДМ Этносаралық қатынастарды дамыту комитетінің төрағасы Ғ. Шойкин, «Қоғамдық келісім» РММ директоры Ғ. Құсманғали, Қолданбалы этносаяси зерттеулер институтының директоры Т. Қалиев,     Л. Гумилев атындағы Еуразия ұлттық университетінің «Этносаясат» білім беру бағдарламасының саясаттанушылары, профессорлар, магистранттар мен докторанттар қатысты. Сондай-ақ, ZOOM-конференцияға ғалымдар, сарапшылар, этномәдени бірлестіктердің өкілдері қосылды.

Күн тәртібінде этносаясат саласының магистранттары және докторанттарымен өзара іс-қимыл мәселелері қарастырылды, сондай-ақ этносаралық шиеленістер және оларды реттеу технологиялары, халықаралық этносаяси процестер тақырыптары қозғалды. Кездесу барысында этносаралық қатынастар саласындағы кейбір өзекті тақырыптар, атап айтқанда, сарапшы-саясаттанушылардың, қоғамдық пікір көшбасшыларының этносаралық қатынастар процесіне қатысуы, мемлекеттік этносаясатты іске асыру мәселелерінде ғылыми тәсілдерді пайдалану талқыланды. Бұдан басқа, Министрлікке, сондай-ақ оның ведомстволық бағынысты ұйымдарына докторанттар мен магистранттардың тағылымдамадан өтуі, далалық зерттеу үшін шығу мүмкіндіктерін қарау туралы шешім қабылданды.

Талқылау барысында қоғамдық келісім мен жалпыұлттық бірлікті нығайтуға бағытталған әлеуметтік және азаматтық бастамаларды дамыту бойынша халықпен жұмысты жандандыру және бұл процеске түрлі әлеуметтік топтарды, үкіметтік емес ұйымдарды тарту қажеттігі атап өтілді.

Кездесу соңында қатысушылар ағымдағы жылға арналған жоспарларды талқылай отырып, мұндай іс-шараларды жүйелі түрде ұйымдастыру қажет деген ортақ пікірге келді.

• 26.05.2022
• 245