ҚР ҰЭМ ТМРК сыбайлас жемқорлық құқық бұзушылықтардың алдын алу шаралары туралы айтты

Бүгін ҚР ҰЭМ Табиғи монополияларды реттеу комитетінің орталық аппараты мен аумақтық бөлімшелері қызметкерлерінің қатысуымен ведомство басшысы Асан Дарбаевтың төрағалығымен Сыбайлас жемқорлыққа қарсы іс-қимыл бойынша шаралар қабылдау туралы кеңес өтті.

Сыбайлас жемқорлықтың алдын алу және болдырмау шаралары туралы ведомствода сыбайлас жемқорлықтың алдын алу және қарсы іс-қимыл бойынша жауапты тұлға болып табылатын ТМРК төрағасының орынбасары Тимур Қосымбаев баяндады. Сондай-ақ, 2021 жылға арналған тарифтік сметалардың, инвестициялық бағдарламалардың орындалу барысы және уақытша өтемдік тарифті бекіту мәселелері қозғалды.

Тимур Қосымбаев ведомство ішінде сыбайлас жемқорлыққа қарсы мәдениетті қалыптастыруға бағытталған 2020-2022 жылдарға арналған сыбайлас жемқорлыққа қарсы іс-қимыл жөніндегі Жол картасында көзделген іс-шаралардың орындалуына тоқталды.

Баяндама соңында, ТМРК басшысының орынбасары бөлімше басшыларына тікелей бағыныстағы мемлекеттік қызметшілердің сыбайлас жемқорлық қылмыс жасағаны үшін олардың жауапкершілігін еске салып, тиісті тапсырмалар берді.

Кеңес шеңберінде мемлекеттік қызметшілердің орындаушылық тәртіп пен этикалық нормаларды сақтауына қатысты мәселелер де талқыланды.

Комитеттегі және оның аумақтық Департаменттеріндегі атқарушылық тәртіптің жай-күйі туралы ТМРК төрағасының орынбасары Әсел Бөденеева егжей-тегжейлі айтып берді.

Қорытындылай келе, ведомствоның Әдеп жөніндегі уәкілі Досхан Нұрғалиев мемлекеттік қызметшілердің Әдеп кодексінің нормаларын әрдайым және барлық жерде ұстану қажеттігі туралы айтып берді.

Жалпы, кеңес қорытындысы бойынша ведомство қызметкерлері әлеуметтік сипатқа ие өзінің жауапты қызметінде сыбайлас жемқорлыққа қарсы және этикалық заңнама нормаларын нақты сақтау қажеттілігі туралы тағы да хабардар етілді.

• 30.05.2022
• 298