К.С. Станиславский атындағы Қарағанды облыстық драма театрының құрылғанына 90 жыл

Театрда еңбек еткен көптеген дарынды өнер қайраткерлері мәдениет саласының дамуына өз үлестерін қосты. Қазір өнер ордасында ҚР еңбек сіңірген қайраткерлері Василий Злобин, Иван Немцев, Ирина Городкова, Людмила Пекушева, Дина Семененко, Галина Турчина, Ольга Цветкова, Ирина Егорова, Оксана Игнатенко, Надежда Вебер, Андрей Марычев және т.б. табысты еңбек етіп келеді.

Мерейтой қарсаңында театр басшысы Дунай Еспаевпен және әртістер Павел Кондратьев пен Нина Круцевичпен кездестім. Кездесу барысында шығармашылық идеялар мен ағымдағы және өзекті мәселелерді талқыладық. Қазір театр өз репетицияларын қашықтан өткізеді. Сонымен қатар, биылғы жылы білім берудің онлайн бағдарламалары іске қосылды.

Барша өнер ұжымына ел алдындағы еңбектері үшін алғыс білдіргім келеді. Театр сахнасында сомдалатын әрбір рольдің маңызы ерекше. Бұл ретте театрдың барлық қызметкерлеріне шығармашылық шабыт пен өнерсүйер қауымның ыстық қошеметін тілеймін. Барлық қарағандылықтарды сүйікті театрымыздың мерейтойымен шын жүректен құттықтаймын!

• 06.11.2020
• 391