Маңғыстауда Қазақстан Республикасының мемлекеттік рәміздерінің 30 жылдығы аталып өтуде

4 маусым күні Маңғыстауда Қазақстан Республикасы мемлекеттік рәміздерінің 30 жылдығына арналған салтанатты шара өтті, деп хабарлайды Маңғыстау облысы әкімінің баспасөз қызметі.

Салтанатты шараға Қазақстан Республикасы Қарулы Күштерінің ардагерлері, әскери бөлім командирлері, «Жас сарбаз» республикалық әскери-патриоттық жастар жасағы және шахматтан Азия чемпионы Бибісара Асаубаева қатысты.

Шарада теңіз жаяу әскери бригадасының, әскери-теңіз күштерінің, әуе қорғаныс күштерінің, әскери полиция өкілдерінің, “Жас сарбаз” республикалық әскери-патриоттық жастарының мыңнан астам әскери қызметшілерінің қатысумен мемлекеттік әнұран салтанатты түрде орындалды.

Аймақ басшысы барша маңғыстаулықты айтулы мерекемен құттықтады.

- Құрметті маңғыстаулықтар! Сіздерді Мемлекеттік рәміздер күнімен шын жүректен құттықтаймын! Мемлекеттік Ту, Елтаңба, Әнұран – халқымыздың асқақ рухын, салт-дәстүрін, ұлттың қаһармандығы мен даналығын, даламыздың өткені, бүгіні мен болашағын сабақтастыратын арман-тілегін бейнелейтін ерекше құндылықтар. Құрметті жерлестер, халқымызға тыныштық, амандық тілеймін! Көк туымыз әрқашан биікте желбірей берсін!, – деді Нұрлан Ноғаев.

• 06.06.2022
• 236