АЙТЫЛДЫ - ОРЫНДАЛДЫ

Соңғы жылдары Мемлекет басшысының тапсырмаларына сәйкес балаларға қатысты сексуалдық сипаттағы қылмыстар үшін жауапкершілік күшейтілді.

Осы мақсатта құқық қолдану практикасын ескере отырып, заңнамалық актілер тұрақты негізде жетілдіріліп отырады.

Зорлау және сексуалдық сипаттағы зорлық-зомбылық әрекеттері сияқты қылмыстардың түрлері ауыр қылмыстар санатына ауыстырылды. Осылайша, тараптардың татуласу мүмкіндігі алынып тасталды.

Сонымен қатар, педофилдер енді қауіпсіздігі ең жоғары мекемелерде, кешірім және мерзімінен бұрын босату құқығынсыз ұсталады.

Кәмелетке толмағандардың жыныстық тиіспеушілігіне қарсы қылмыстарды жасырған адамдарға қатысты 6 жылға дейін бас бостандығынан айыру түріндегі жауапкершілік көзделген.

Педагогтарға құқық қорғау органдарына кәмелетке толмағандардың құқық бұзушылық жасау немесе оларға қатысты құқыққа қарсы іс-әрекеттер жасау фактілері туралы дереу хабарлау міндеті жүктелген.

Кәмелетке толмағандардың жыныстық тиіспеушілігіне қарсы қылмыстарға жол бермеуге де ерекше назар аударылады. 4 айдың қорытындысы бойынша мұндай қылмыстардың саны 21,5%-ға төмендеді.

Қабылданған шаралардың нәтижесінде, ағымдағы жылы кәмелетке толмағандарға қатысты жасалған қылмыстардың саны 17%-ға, оның ішінде ұрлық 2,5 есеге, бопсалау екі есеге, бұзақылық пен тонау саны үштен бірге азайды.

• 06.06.2022
• 368