Маңғыстауда медицина қызметкерлерінің төл мерекесі аталып өтті

Бүгін, 14 маусым күні облыс әкімі Нұрлан Ноғаев медицина қызметкерлері күніне арналған мерекелік шараға қатысты, деп хабарлайды Маңғыстау облысы әкімінің баспасөз қызметі. 

Аймақ басшысы шарада сөз алып, ақ халатты абзал жандарды бүгінгі төл мерекелерімен құттықтады. 

-Ардақты ақ халатты абзал жандар, құрметті ардагер дәрігерлер!
  Сіздерді мерейлі мерекелеріңіз – Медицина қызметкерлері күнімен шын жүректен құттықтаймын! 
  Дәрігер – адам жанының арашашысы, жер бетіндегі сан алуан кәсіптің ішіндегі ең ізгі, ең қастерлі мамандықтың иесі. Ел Президенті Қасым-Жомарт Тоқаев денсаулық сақтау жүйесінің тиімділігін арттыруға көп көңіл бөліп отыр.  Сондықтан медицина саласының ілгері дами түсуі сіздердің білімдеріңіз бен тәжірибелеріңіздің үздіксіз дамуына тікелей байланысты. Дәрігерлердің кәсібилігі, антқа адалдығы мен жылы жүрегі адамның тәнін ғана емес, жанын да емдейді. Сіздерге мықты денсаулық, еңбектеріңізге табыс, отбасы бақыты мен берекесін тілеймін!,-деді Нұрлан Ноғаев. 

Бүгінде облыста 2009 дәрігер, 5636 мейірбике халыққа медициналық қызмет көрсетеді. 

Мерекелік шарада медицина саласына еңбегі сіңген дәрігерлер «Еңбек Ардагері» медалімен, «Денсаулық сақтау ісіне қосқан үлесі үшін», «Денсаулық сақтау ісінің үздігі» төсбелгілерімен, «Құрмет грамотасымен”, денсаулық сақтау министрінің алғыс хатымен және облыс әкімінің «Құрмет грамотасымен»  марапатталады.

• 15.06.2022
• 292