Алматы қаласында Орталық Азия елдерінің Тұрақты даму мақсаттары (ТДМ) бойынша «COVID-тен тыс - Орталық Азияны әділдік негізінде қалпына келтіру жолында» екінші өңірлік Саммиті жұмысын бастады

Саммитке Қазақстан, Өзбекстан, Тәжікстан, Қырғыстан үкіметтерінің басшылары, Түрікменстанның Министрлер кабинеті төрағасының орынбасары, халықаралық сарапшылар, дүниежүзілік ұйымдар мен дипломатиялық топтардың және азаматтық қоғамның өкілдері қатысты. Саммитті ҚР Ұлттық экономика министрлігі Еуропалық Одақ пен Азия Даму Банкінің (АДБ) қаржылық қолдауымен Қазақстандағы БҰҰ Даму бағдарламасымен (БҰҰДБ) әріптестікте ұйымдастырды. Іс-шара тұрақты дамуға қол жеткізуге көзделген қажетті шараларды қабылдау үшін қатысушылар арасында сындарлы диалогты қамтамасыз етуге бағытталған. Жекелеген сессиялар мемлекеттік қызметтерді цифрландыру, тұрақты даму үшін әйелдер мен жастардың құқықтары мен мүмкіндіктерін кеңейту, климаттық күн тәртібі бар ТДМ қаржыландырудың синергиясын қамтамасыз ету және оған қол жеткізуді жеделдету үшін әріптестік мәселелеріне де арналады.

ТДМ бірінші өңірлік Саммиті 2019 жылғы қарашада Алматы қаласында өтті және ТДМ қаржыландыру мәселелеріне арналды.

• 21.06.2022
• 287