ҚР ҰЭМ басшысы Қатар мемлекетінің Қаржы және экономика министрі мен «Aamal Group» холдингінің Басқарма Төрағасымен кездесті

ҚР Ұлттық экономика министрі Әлібек Қуантыровтың Қатар мемлекетінің қаржы және экономика министрі - «Qatar National Bank» Директорлар кеңесінің төрағасы Әли бин Ахмед Әл Куаримен кездесу барысында экономикалық ынтымақтастық мәселелері талқыланды. Тараптар банк-қаржы саласындағы екіжақты өзара іс-қимылды жандандыруға, инвестициялық ахуалды жақсарту үшін барынша күш-жігер жұмсауға, сондай-ақ АХҚО алаңында «Qatar National Bank» филиалын ашу мүмкіндігін зерделеуге уағдаласты. Сонымен қатар, экономиканың басым секторларында инвестициялық жобаларды іске асыру мәселелері талқыланды. Сондай-ақ, Әлібек Қуантроыв «Aamal Group» ірі холдингінің басшысы Рашид Әли Әл-Мансуримен кездесу өткізді. ҰЭМ басшысы Қазақстанда шетелдік инвесторлар үшін қолайлы жағдайлар жасалғаны, соның ішінде арнайы преференциялар мен салық жеңілдіктері туралы сөз қозғап, елімізде іске асырылып жатқан инвестициялық жобалар туралы айтып берді. Өз кезегінде Рашид Әли Әл-Мансури инвестициялық саладағы ынтымақтастықты одан әрі кеңейтуге дайындығын білдірді. Атап айтқанда, Қатар холдингі өнеркәсіп, сауда, әуе бизнесі, АӨК, мұнай-газ химиясы және туризм секілді салаларда ынтымақтастыққа мүдделі.

• 29.06.2022
• 304