Елордада журналистерге арналған этносаяси сауаттылық бойынша оқыту курстары өтуде

Ағымдағы жылғы 28 маусымда ҚР Ақпарат және қоғамдық даму министрлігінің бастамасымен Л.Н.Гумилев атындағы ЕҰУ-де «Жаһандану кезеңіндегі этникалық мәселелер және мәдениет» атты этносаралық қатынастар саласында маманданған журналистерге арналған оқыту курстары басталды. Іс-шара жыл сайын салалық журналистиканы дамыту аясында ҚР АҚДМ,  Л.Н.Гумилев атындағы ЕҰУ қолдауымен өткізілуде және БАҚ қызметкерлері күнін мерекелеуге орайластырылған.

Оқыту курстары офлайн форматта өтуде және ағымдағы жылдың
2 шілдесіне дейін жалғасады.

Бес күн ішінде курс қатысушыларына этносаралық тақырыпты БАҚ-та дұрыс жариялаудың қыр-сыры мен ерекшеліктері, БАҚ-тың этносаяси процестерге ықпалы, этносаралық саланы жариялайтын журналистер үшін этносаяси сауаттылықтың, этиканың маңызды аспектілері түсіндіріледі. Сонымен қатар, курс барысында қазіргі заманғы этносаяси процестердің ішкі саяси жағдайға әсер ету ерекшелігі талқыланады.

Іс-шараны Л.Н.Гумилев атындағы ЕҰУ-дің Журналистика және саясаттану факультетінің деканы, филология ғылымдарының кандидаты Қайрат Сақ ашты. Семинарда ҚР АҚДМ Этносаралық қатынастарды дамыту комитетінің төрағасы, саяси ғылымдарының кандидаты Ғалым Шойкин сөз сөйлеп, журналистердің көптеген өзекті сұрақтарына жауап берді. Сонымен бірге, іс-шараға этномәдени орталықтардың өкілдері, сарапшылар мен ғылыми жұртшылық қатысты.

Онлайн көрсетілім Л.Н.Гумилев атындағы Еуразия ұлттық университетінің ресми YouTube-арнасында қолжетімді. https://youtube.com/channel/UC62ED0T9AavC6OvjZJEmjWQ.

• 29.06.2022
• 314