✅Күршім ауданы Маралды ауылы тұрғындарының шағымдары тыңдалды

Маралды ауылының тұрғындары "Maraliha" ЖШС, "Maraliha Gold" ЖШС және "ВСАМ Prodaction" ЖШС алтын өндіретін компаниялардың қызметіне бірнеше рет алаңдаушылық білдірді.

Бар проблемаларды ескере отырып, халықтың шағымдарын объективті шешу үшін мен Өскеменнен 300 шақырым жерде орналасқан кентке бардым.

Кентте Шығыс Қазақстан облысы әкімінің орынбасары Ержан Нұрбаевтың, мүдделі мемлекеттік органдар басшыларының, аудандық мәслихат депутаттарының, аудан прокуратурасының,"ВСАМ Prodaction" ЖШС, "Восток ПРОМИНВЕСТ" ЖШС, "ГРК "Maralicha-Gold" ЖШС кәсіпорындарының өкілдерінің, сондай-ақ жергілікті тұрғындардың қатысуымен қоғамдық тыңдаулар өтті.

Тыңдау келесі тақырыптар бойынша өтті:

1."Құрамында алтын бар тотыққан кендерді қайта өңдеу жөніндегі алтын өндіру фабрикасы" жұмыс жобасы

2.Эмиссияға экологиялық рұқсат алуға арналған материалдар.

Нәтижесінде қатысушылар зиянды әсерлерді зерделеу және пайдалы қазбаларды алу технологиясының оңтайлы нұсқаларын әзірлеу үшін жерге орналастыру жұмыстарының барлық түрлерін бір айға тоқтата тұру қажеттігі туралы бірауыздан пікір білдірді.

Менің тарапымнан экологиялық рұқсат қоғамдық тыңдау нәтижелерінсіз берілмейтіні атап өтілді.

Рұқсат беру құжаттарын беру кезінде жұртшылықпен айтылған барлық мәселелер назарға алынуға тиіс.

Қазіргі уақытта қоғамның пікірі ескерілетін қосымша сараптама жүргізілуде.

Қоғамдық тыңдаулар хаттамасымен сіз ашық қолжетімділікте экологиялық порталда, сондай-ақ Шығыс Қазақстан облысы Табиғи ресурстар және табиғат пайдалануды реттеу басқармасының сайтында таныса аласыз.

• 01.07.2022
• 450