Ақтөбеде жүз БАҚ өкіліне кәсіби мерекелеріне орай сыйақы берілді

27 маусым күні Ақтөбеде бұқаралық ақпарат құралдары қызметкерлерінің күніне арналған мерекелік іс-шара өтті.
Облыс әкімі Оңдасын Оразалин  журналистерді мерекелерімен құттықтап, оларға алғыс хаттар мен сыйақылар табыс етті. 
Сонымен қатар журналистерді Ақтөбе қаласының әкімі Асхат Шахаров та құттықтады. 
Ішкі саясат басқармасының басшысы Ләззат Оразбаева журналистерге облыстық басқармалар мен аудан әкімдерінің атынан алғыс хаттар мен сыйақылар табыстады
Өңірлік және республикалық БАҚ пен баспасөз қызметінің барлығы жүз өкілі  марапатқа ие болды. Іс-шарада алғаш рет журналистердің әнұраны шырқалды, оның авторлары - Нұргүл Нөкен мен Дулат Айтжанов. Айта кетейік, қазіргі таңда облыста 44 БАҚ жұмыс жасап тұр.

• 01.07.2022
• 249