Қарағанды облысында мүгедек адамдардың өмір сүру сапасын жақсарту мәселелері талқыланды

Облыста мүгедектігі бар 67 мың адам тұрады. Олардың жайлы тұруы үшін инклюзивті жағдайларды жасау маңызды міндеттердің бірі.

Мүгедек адамдардың өмір сүру сапасын жақсарту бойынша жұмыс кеңесін өткіздік.

Балқашта психоневрологиялық аурулары бар және тірек-қимыл аппараты бұзылған балаларға арналған 50 орындық Оңалту орталығын жөндеу жұмыстары аяқталды. Нысанды пайдалануға беру 2022 жылдың екінші жартыжылдығына жоспарланған.

Тамыз айында аутизм спектрінің бұзылуы және аутизмі бар балаларға арналған орталықты жайластырып, қызметкерлер штатын құру бойынша жұмыстарды аяқтауды жоспарлап отырмыз.

Сондай-ақ әлеуметтік қызметтер порталы арқылы техникалық оңалту құралдары мен шипажайларға жолдамаларды беру бойынша жұмысты жалғастырамыз.

Бүгінде облыстың 11 өңірінде «Инватакси» қызметі тегін көлік қызметтерін көрсетеді.

Өкінішке қарай қоғамдық кеңістіктердің біршамасы мүгедек адамдардың қажеттіліктеріне әлі де бейімделмеген.

Бұл мақсатта өткен жылы 421 нысанда инклюзивті орта құрылды. Биыл тағы 332 нысанды бейімдеу жоспарланған. Бірақ бұл әлі де жеткіліксіз.

Осы ретте мүмкіндігі шектеулі жандар үшін инфрақұрылым нысандарын, оның ішінде көлік және көлік логистикасы нысандарын бейімдеу бойынша жұмысты күшейтуді тапсырдым.

• 05.07.2022
• 325