Таңбаланған өнімдердің заңды екенін мобильді қосымша арқылы тексеруге болады.

Таңбаланған өнімдердің заңды екенін мобильді қосымша арқылы тексеруге болады. Бұл таңбалау бойынша жүзеге асырылатын пилоттық жобаның арқасында мүмкін болды.

Айта кетейін, Қаржы министрлігі көлеңкелі экономиканың үлесін төмендету бойынша кешенді шараларды қабылдауда. Сондай-ақ, шаралар қызметтердің сапасына қанағаттану деңгейін арттыруға және бюджетке қосымша кірістер қамтамасыз етуге бағытталған.

Бүгінгі күні алкогольді ішімдіктердің сандық таңбасы өндірушілерден немесе импорттаушылардан тұтынушыларға, оның ішінде дистрибьюторларға дейінгі айналымның физикалық қадағалануын қамтамасыз етеді. Бұрын мұндай бақылау болған емес.

Сондай-ақ, сатылған алкогольдік ішімдіктердің заңды/заңсыз екенін анықтау мүмкін болды. Сатып алушы тауардың заңдылығын «Қазақтелеком» АО дайындаған Naqty Onim  мобильді қосымшасы арқылы тексере алады, ал цифрлық таңбалау кодымен фискалды түбіртек беру тауардың шығу заңдылығын растайды. Пилоттық жобаның аяқталуы 2020 жылдың 31 желтоқсанына жоспарланған.

Сондай-ақ, фильтрлі темекі 2020 жылдың 1 қазанынан бастап, ал 2021 жылдың 1 сәуірінен бастап стиктер, сигаралар, сигариллалар, қыздырылған темекі және басқа түрлері міндетті таңбалануға жатады.

• 17.11.2020
• 253