Қарағанды облысына жұмыс сапарымен ҚР Премьер-Министрі Әлихан Смайылов келді

Бірінші кезекте Үкімет басшысы Қарағанды-Балқаш-Сарышаған автожолының қайта жөнделу барысымен танысты. Премьер-Министр биыл төрт жолақты жолда қозғалысты толық қамтамасыз етуді тапсырды.

Бұдан кейін Әлихан Смайылов «QazТehna» автобус шығаратын зауытқа және 2022 жылдың соңында іске қосу жоспарланып отырған «KamaTyresKZ» жаңа шина зауытына барды. Зауыт жоспарлы қуатына шыққаннан кейін оның өнімі Қазақстан нарығына, оның ішінде автомобильдердің бастапқы жиынтықтамасына, сондай-ақ ЕЭО елдеріне жеткізіледі деп күтілуде.

Сонымен қатар ол РТИ шағын ауданындағы көпқабатты үйлерді қалпына келтіру бойынша құрылыс алаңдарына барды. Жалпы Саран қаласында тұрғын үй құрылысының қарқыны соңғы үш жылдық кезеңде 260% - ға ұлғайды. 2022 жылы мұнда тағы 250-ге жуық пәтер пайдалануға беріледі деп күтілуде.

Сондай-ақ Теміртауға жасаған сапары барысында Әлихан Смайылов «АрселорМиттал Теміртау» АҚ өнеркәсіптік қауіпсіздікті қамтамасыз ету, экология мәселелерін атап өтіп, кәсіпорын басшылығына өндірістегі жазатайым оқиғаларды алдын алу және экологиялық міндеттемелерді сақтау бойынша жедел түрде пәрменді шаралар қабылдауды тапсырды.

Сонымен қатар «Линде Газ Қазақстан» өнеркәсіптік газ өндіру зауытын аралау барысында Әлихан Смайылов компанияның көмірқышқыл газы шығарындыларын азайту жөніндегі шешімдерін өнеркәсіптің басқа салалары үшін үлгі ретінде атап өтті.

Теміртаудағы сапары барысында Үкімет басшысы балаларды тәрбиелеу мен дамытудың жетілдірілген бағдарламасын іске асыратын «Кішкентай таланттар академиясы» балабақшасына да барды. Ағымдағы жылы Қарағанды облысында 11 жаңа балабақшаны іске қосу жоспарланған.

• 08.07.2022
• 374