Ақтауда экологиялық қауіпсіздік мәселелері жөніндегі ведомствоаралық комиссиясының отырысы өтті

Бүгін, 7 шілде күні Ақтауда ҚР Экология, геология және табиғи ресурстар министрі Серікқали Брекешовтың төрағалығымен  Қазақстан Республикасы Қауіпсіздік Кеңесінің экологиялық қауіпсіздік мәселелері жөніндегі ведомствоаралық комиссиясының отырысы өтті, деп  хабарлайды Маңғыстау облысы әкімінің баспасөз қызметі.

Отырысқа ведомствоаралық комиссия мүшелері, Қазақстан Республикасы Президенті Әкімшілігінің, Қазақстан Республикасы Қауіпсіздік Кеңесінің, орталық мемлекеттік органдардың және олардың құрылымдық бөлімшелері мен ведомстволарының, Маңғыстау, Атырау және Ақтөбе облыстарының жергілікті атқарушы органдарының, "Самұрық-Қазына "ҰӘҚ" АҚ, "ҚазТрансОйл" АҚ, "МАЭК-Қазатомөнеркәсіп" ЖШС, "SK Water Solutions" ЖШС, "Ak Su KMG" ЖШС, "Магистральный Водовод" ЖШС өкілдері қатысты. 

Кездесу барысында ауыз су тапшылығы мәселелері талқыланды. Маңғыстау облысы әкімінің бірінші орынбасары, Қазақстан Республикасы Индустрия және инфрақұрылымдық даму министрлігінің құрылыс және тұрғын үй-коммуналдық шаруашылық істері, Қазақстан Республикасы экология, геология және табиғи ресурстар министрлігінің су ресурстары комитеті төрағасы, Қазақстан Республикасы Ұлттық экономика министрлігі, табиғи монополияларды реттеу комитеті төрағасының орынбасары, "Ak Su KMG" ЖШС, , "Магистральный Водовод" ЖШС бас директорлары су мәселесін шешу бойынша баяндама жасады.

-  Мемлекет басшысы Жолдауда 2025 жылға дейін сапалы ауыз суға 100% қол жеткізуді қамтамасыз етуді тапсырды.Осыған байланысты Маңғыстау облысында су шаруашылығы инфрақұрылымын салу және реконструкциялау жөніндегі жобаларды іске асыру ерекше өзектілікке ие. Сондықтан, су тапшылығын жою мақсатында қабылданып жатқан шараларды тұрақты бақылауда ұстау қажет,- деді Нұрлан Ноғаев.

Отырыс барысында Маңғыстау облысының бүгінгі жағдайы, су қауіпсіздігін одан әрі дамыту стратегиясы, сумен жабдықтау жөніндегі жобаларды іске асыру барысы, осы саладағы тариф мәселелері талқыланды. Кеңесті қорытындылаған ҚР экология, геология және табиғи ресурстар министрі Серікқали Брекешов бірқатар нақты тапсырмалар берді.

- Бүгінгі таңда Маңғыстау облысын сапалы сумен қамтамасыз ету бойынша барлық қажетті құралдар бар, сондықтан тиісті жұмысты сапалы және уақтылы жүргізу қажет,- деп атап өтті Серікқали Брекешов.

• 11.07.2022
• 278