Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
Монополистердің қызметін реттеудің ашықтығына кезекті қадам
Ағымдағы жылғы 30 маусымда Мемлекет басшысы «Қазақстан Республикасының кейбір заңнамалық актілеріне электр энергетикасы, энергия үнемдеу және энергия тиімділігін арттыру, жер қойнауын пайдалану, жергілікті мемлекеттік басқару, мемлекеттік шекара, тұрғын үй-коммуналдық шаруашылық және ғылым мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойғаны белгілі.
Осы нормативтік-құқықтық акті «Табиғи монополиялар туралы» Заңға түзетулерді де көздейді.
Қабылданған түзетулер салалық мемлекеттік органдар мен жергілікті атқарушы органдарды табиғи монополиялар субъектілерінің бекітілген инвестициялық бағдарламаларының орындалуын бақылау процесіне тартуға мүмкіндік береді.
«Табиғи монополиялар туралы» Заңға енгізілген негізгі түзетулердің бірі табиғи монополиялар субъектілерінің бекітілген тарифтік сметаны және инвестициялық бағдарламаны орындау туралы есептерді тек электрондық нысанда ұсынуы болып табылады, бұл есептерді ұсыну рәсімін оңайлатады және тұтастай тариф белгілеу процесінің ашықтығын қамтамасыз етеді.
Тарифтік реттеуші ретінде ТМРК әрдайым негізделген тарифтерді бекіту бөлігінде ұстанымды ұстанатынын және көрсетілген түзетулер осы ұстанымды одан әрі ұстануға мүмкіндік беретіндігін атап өткен жөн.
Заңның мәтіні 2022 жылғы 1 шілдеде «Егемен Қазақстан», «Казахстанская правда» газеттерінде және 2022 жылғы 4 шілдеде ҚР НҚА эталондық бақылау банкінің сайтында электрондық түрде жарияланды.
Заң алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
- 13.07.2022
- 323
