Қазақстанның болашағы жастардың қолында

Еліміздің барлық өңірлерінен келген 350-ден астам делегаттар мен қонақтар Зеренді ауылында «AMANAT» жастар қанатының кезектен тыс VI съезіне жиналды. Құрметті қонақтар арасында партия басшысы, Қазақстан Республикасы Парламенті Мәжілісінің Төрағасы Ерлан Қошанов және Ақмола облысының әкімі Ермек Маржықпаев бірге болды.

Отырыс барысында съезге қатысушыларды Президент Қасым-Жомарт Тоқаев бейнебайланыс арқылы құттықтап, Жаңа Қазақстан жастары үшін үш маңызды басымдық: білімге ұмтылу, еңбексүйгіштік және патриотизм екенін айтты. Съезге қатысушыларға табыс тілей отырып, Президент жастардың аға буын өкілдерінің зор үмітін ақтайтынына сенім білдірді.

Іс-шараның ашылуында жастар қанатының төрағасы Нұржан Жетпісбаев еліміздің саяси жүйесіндегі өзгерістер “AMANAT” партиясының трансформациясынан басталғанын атап өтті.

– Партияны жаңғыртудың кезекті кезеңі оның жастар қанатын қайта жаңғырту болып табылады. Біз жастар мен биліктің өзара іс-қимылының тиімді арнасы болғымыз келеді. Ұсыныстар негізінде барлық өңірлерден “қайта жүктеу” бағдарламасы әзірленді. Сондай-ақ, ұйымның Орталық кеңесінің құрамы қайта қаралды”, – деді Нұржан Жетпісбаев.

Медиаволонтер Диас Камериданов, партияның Жастар қанаты Алматы қалалық филиалының еріктісі Ариана Белобжицкая, ақтөбелік әскери қызметші Ұлан Мырзабай, Озерное ауылының информатика пәнінің мұғалімі Асыл Ахметова, қоғам қайраткері Дәулет Мұқаев және тағы басқа  делегаттар өз ұсыныстарымен және табыстарымен бөлісті. “Қайрат” футзал клубының шабуылшысы, Еуро-2022-нің үздік бомбардирі Біржан Оразов жаңа буынның жастар қанатының атын өзгерту туралы ұсынысын жеткізді.

– Жаңа Қазақстанды өз Отанын сүйетін, білімді, ақылды, талантты және жігерлі жастар құратынына күмән жоқ. Сондықтан делегаттарға партияның жастар қанатының атауын “Жастар Рухы”,– деп өзгерту туралы ұсынысым бар”, – деді Біржан Оразов. Бұл шешімді іс-шараның барлық қатысушылары бірауыздан қолдады.

Съезд жұмысын қорытындылай келе, “AMANAT” партиясының Төрағасы Ерлан Қошанов жаңа Қазақстан болашақ жастардың игілігі үшін салынып жатқанын атап өтті.

– Жүргізіліп жатқан реформалардың мәні әрқайсыңыздың еліміздің саяси өмірінде, бизнесте және басқа да қоғамдық маңызды салаларда өзін-өзі жүзеге асыру үшін тең мүмкіндіктерге ие болуларыңызда жатыр. Осы өзгерістердің барлығы Конституцияға Президенттің бастамасымен енгізілді. Бұл реформаларды жүзеге асыру үшін жастар алдыңғы қатарда”, – деді Ерлан Қошанов.

“AMANAT” партиясының төрағасы жастар қанатының алдына бірқатар перспективалық міндеттер қойды. Олардың ішінде-жастардың күтулері мен проблемаларының өңірлік карталарын енгізу, қазақстандық таланттар үшін жобалар жәрмеңкесін және басқа да іс-шараларды өткізу, көшбасшылар үшін оқу бағдарламаларының тиімділігін арттыру, NEET санатындағы жастардың проблемаларын шешу бойынша жұмысты күшейту, “Бір толқында” пікірталас алаңын және ЖОО түлектерін жұмысқа орналастыру бойынша рекрутингтік агенттік құру, сондай-ақ, Ақмола облысының әкімдігіне жәрдемдесуі үшін алғыс білдірді съезді өткізуде.

Съезд шешімімен жастар қанатын трансформациялаудың жаңа бағдарламасы қабылданып, ұйымның атауы өзгертілді. Орталық кеңестің құрамы қоғамдық пікірдің белсенді көшбасшыларын, ҮЕҰ өкілдерін және тағы басқаларды тарту есебінен кеңейтілді.

Делегаттар үшін пленарлық отырысқа қатысу еліміздің белсенді жастарын жеке дамыту және біріктіру үшін өткізілетін іс-шаралар циклінің қисынды аяқталуы болды. Аружан Сәрсенбаева мен Руслан Қапарова Қостанай облысынан келіпті.

– Ұйымдастырушылар дайындаған бағдарлама әрқайсымыз үшін пайдалы болды. Мен урбанистика бойынша өте жақсы тренингтен өттім, біздің делегацияның балалары – экология және стартаптар бойынша. Кешке бізді қазақ эстрадасының жұлдыздары бар орасан зор open-air күтіп тұр. Бүгін партияның жастар қанаты үшін ғана емес, бүкіл еліміз үшін тарихи күн. Біз тарихтың бір бөлшегіне айналдық деп айтуға болады, – деп атап өтті Аружан.

–Тек диалог барысында жаңа бір келісімге келуге болады, сондықтан біз көп сөйлесеміз, өз олжаларымызбен бөлісеміз, – деп толықтырды Руслана. – Мені әр жас адам өзін-өзі таба алатын жаңа сала – мобилография қатты қызықтырды, біз волонтерлік, жобалар және үгіт-насихат ережелері туралы көп нәрсе білдік. Мен Қостанай өңірлік университетінде “Құқықтану” мамандығы бойынша оқимын, бірақ болашағымды  “AMANAT” партиясымен байланыстырғым келеді.

Жақында ғана  құрылған  Абай облысынан келген қонақ Темірлан Бахтияров:

– Жастар қанаты – еліміздің болашағының негізі. Съезде біз ең бастысы – жұмыста міндетті түрде қолданылатын дағдылар мен тәжірибелер алдық. Біз еліміздің болашағына үлес қосу үшін шыңдарды бағындырып, жастар саясатын дамытуымыз керек,– деп өз әсерімен бөлісті.

• 14.07.2022
• 208