Қазақстанда мұнай базаларының резервуарларын есепке алу аспаптарымен жарақтандыру бойынша Заңға түзетулер енгізілді

Қазақстан Республикасы Энергетика министрлігі мұнай өнімдері қорларының автоматтандырылған мониторингін қамтамасыз ету мақсатында, сондай-ақ елдің ішкі нарығында мұнай өнімдерінің тапшылығын болдырмау мақсатында «Мұнай өнімдерінің жекелеген түрлерін өндіруді және олардың айналымын мемлекеттік реттеу туралы» ҚР Заңына мұнай өнімдері базаларының резервуарларын есепке алу аспаптарымен жарақтандыру міндеттілігі бойынша түзетулер енгізілгенін хабарлайды.

Бұл түзетулер резервуарларды есепке алу аспаптарымен (деңгей өлшегіштермен) жарақтандыру қажеттілігін көздейді.

Осы норманы қолданысқа енгізу мынадай тәртіппен болжанып отыр:

• 2024 жылғы 1 қаңтардан бастап мұнай өнімдерінің базаларын және (немесе) резервуарлық парктің жалпы көлемі 10000 текше метрден асатын резервуарларды иеленетін мұнай өнімдерін көтерме сауда арқылы берушілер үшін;
• 2024 жылғы 1 шілдеден бастап мұнай өнімдерінің базаларын және (немесе) резервуарлық парктің жалпы көлемі 10000 текше метрге тең немесе одан кем резервуарларды иеленетін мұнай өнімдерін көтерме сауда арқылы берушілер үшін.

Осы норманы іске асыру үшін Министрлік мұнай өнімдері базаларының өндірістік объектілерін есепке алудың бақылау аспаптарымен жарақтандыру тәртібі мен талаптарын бекітетін болады.

• 20.07.2022
• 255