Құрметті жерлестер!

Бүгін қала, аудан әкімдерімен және облыстық басқарма басшыларының қатысуымен әкімдік отырысы өтті. Өңірді дамытуға қатысты бірқатар маңызды мәселелер қаралды.

Бірінші кезекте, білім беру саласына, әсіресе техникалық және кәсіптік оқытуға ерекше назар аударылды. Бүгінгі таңда облыста студенттерге теориялық білім ғана емес, сонымен қатар практикалық база беруге мүмкіндік беретін 5 құзыреттілік орталық жұмыс істейді. Ауыз толтырып айтар көрсеткіш - колледж түлектерінің 80 пайызы жұмысқа орналасқандығы. Біздің өнеркәсіпдар сұранысқа ие мамандықтарды нақты көрсете отырып, оқу орындарымен тұрақты негізде ынтымақтаса жұмыс атқаратынын ерекше атап өткім келеді. Біз осы мамандықтарға бөлінетін гранттар санын жоспарлы түрде ұлғайтудамыз. Сонымен қатар, қазір ауыл педагогтарының өз біліктіліктерін қашықтықтан арттырулары үшін барынша жұмыс жүргізудеміз. Бұл бағыттағы қызметті Білім басқармасы жалғастыруы қажет.

Тағы бір маңызды мәселе - ауыл шаруашылығы жерлерін цифрландыру және электрондық карта жасау. Өкінішке орай, жайылымға арналған көптеген жерлер мақсатына сай пайдаланылмайды. Әрбір жағдайды біз бөлек талдаймыз. Бүгінде мал және өсімдік шаруашылығын дамытудың жаңа жоспарлары әзірленгенін ескере отырып, жердің бос болуына жол берілмеуін баса айтамын.

Жөнделген жолдардың саны жыл сайын артып келеді, ағымдағы кезеңде 800 шақырымға жуық жол жөнделді. Қалалар мен аудандардың әкімдері келесі жылы жаңарту жоспарланған жолдардың, басқа да салалар бойынша перспективалық жоспарлар әзірлеу қажет.

Біздің өңір Жұмыспен қамту жол картасын іске асыру аясында үздік нәтижелер көрсетіп, елімізде жетекші орынға ие болып отыр. Бірақ бұл осы көрсеткіште тоқтап қалу керек дегенді білдірмейді. Бізге ең алдымен кемшіліктерді жою үшін барлық күш-жігерді бағыттау маңызды.

• 19.11.2020
• 310