«Zhas Project» жобасы аясында шағын гранттар беріледі

Ағымдағы жылдың 3 тамызда ҚР Президенті жанындағы ОКҚ алаңында «Zhas Project» жобасы бойынша арнайы баспасөз брифингі өтті. Спикерлер ретінде ҚР АҚДМ Жастар және отбасы істері комитетінің төрағасы Қайрат Баймульдинов, ҚР АҚДМ Азаматтық бастамаларды қолдау орталығы төрағасы м.а. Ғалым Құрман, «Қазақстан жастар конгресі» ЗТБ атқарушы директоры Тоқтар Болысов және «Жас ұлан» ұйымының жетекшісі Динара Садвакасова сөз алды. «Zhas Project» жобасы Алматы, Қарағанды, Маңғыстау, Түркістан, Жетісу және Ұлытау облыстарында пилоттық режимде жүзеге асып жатыр. Жастардың бастамаларын қолдауға жалпы саны 250-ден астам шағын грант бөлінді. Әрбір грант аясында нақты жобаны қаржыландыруға 1 миллион теңгеге дейін қаржы қарастырылған. Гранттар конкурсына 18-29 жас аралығындағы қазақстандықтар қатыса алады. Қатысуға өтінімдер 2022 жылдың 10 тамызына дейін қабылданады.

Толық ақпарат https://www.gov.kz/memleket/entities/qogam/press/news/details/405471?lang=kk

https://youtu.be/17UFLU1PAkc

• 04.08.2022
• 298