Облыс орталығындағы жұмыс сапарына қысқаша шолу

Н. Әбдіров даңғылында автожол мен тротуарды жөндеу жұмыстары жалғасуда. Сонымен қатар, мұнда субұру жүйесі тазартылуда.

Қазыбек би ауданында 13 аула абаттандырылуда. Бұл ретте жұмыстар кешенді түрде жүргізіліп, әрбір аулаға тұрғындармен келісілген эскиздер әзірленді.

3 кезеңге есептелген № 2 «Білім-инновация» лицей-интернатын күрделі жөндеу жұмыстары шатырды ауыстырудан басталды. Газдандыру мәселесі шешілуде, бұл үшін 500 м құбыр жүргізілді. Газ қазандығы бойынша ЖСҚ әзірленді. Мемлекеттік сараптамадан кейін құрылыс басталады.

Сондай-ақ Көкпекті станциясының тұрғындарымен кездестім. Мұнда аумақтық-әкімшілік мәселелерге байланысты сумен жабдықтау және абаттандыру сұрақтарын шешуде қиындықтар бар. Тұрғын үйлер Әлихан Бөкейхан ауданына тиесілі болса, жер Бұқар жырау ауданында деп есептеледі. Жыл соңына дейін станция Қарағандының құрамына кіреді және келесі жылға арналған бюджетті бекіту кезінде Көкпекті тұрғындарының мүдделері міндетті түрде ескерілетін болады.

• 04.08.2022
• 403