Қосымша білм беру саласындағы қызмет лицензиялауға жата ма?

«Білім туралы» Қазақстан Республикасы Заңының (бұдан әрі - Заң)        14-бабының 1 және 4-тармақтарына сәйкес білім беру бағдарламаларының мазмұны мен бағыттарына (міндеттеріне) қатысты: 1) жалпы білім беретін (үлгілік, жұмыстық); 2) кәсіптік (үлгілік, жұмыстық); 3) қосымша болып бөлінеді. Қосымша білімнің білім беру бағдарламалары білім алушылардың өзін-өзі билеуін, шығармашылығын дамыту, олардың қабілеттерін іске асыру, қоғам өміріне бейімделуі, азаматтық сана-сезімін, жалпы мәдениетін, салауатты өмір салтын қалыптастыру, бос уақытын мазмұнды ұйымдастыру үшін жағдайлар жасауды көздейді.

Сонымен қатар, Заңның 23-бабының 1 және 2-тармақтарына сәйкес қосымша білім беретін білім беру бағдарламалары білім алушылардың, тәрбиеленушілер мен мамандардың жан-жақты қажеттіліктерін қанағаттандыруға бағытталған. Қосымша білім беретін білім беру бағдарламалары мазмұнына және бағытына қатысты:

1) білім алушылар мен тәрбиеленушілерге қосымша білім беру;

2) қазіргі заман талаптарына сай келетін кәсіптік біліктілікті дамытуға бағытталған, мамандарды қайта даярлау және олардың біліктілігін арттыру бағдарламалары болып бөлiнедi.

Заңның 5-бабының 8) тармақшасына, сондай-ақ, «Рұқсаттар және хабарламалар туралы» Қазақстан Республикасы Заңының 1-қосымшасындағы Бірінші санаттағы рұқсаттардың (лицензиялардың) Тізбесінде білім беру саласында лицензиялауға жататын қызметтің айрықша тізбесі анықталған.

Білім беру саласындағы уәкілетті орган заңды тұлғаларға:

-           бастауыш білім;

-           негізгі орта білім;

-           жалпы орта білім;

-           біліктіліктер бойынша, әскери, арнаулы оқу орындары үшінмамандықтардың топтары бойынша техникалық және кәсіптік білім;

- біліктіліктер бойынша, әскери, арнаулы оқу орындары үшін мамандықтардың топтары бойынша орта білімнен кейінгі білім;

-   кадрларды даярлау бағыттары бойынша жоғары білім;

-   кадрларды даярлау бағыттары бойынша жоғары оқу орнынан кейінгі білім;

- діни білім беру үшін бiлiм беру қызметiмен айналысуға арналған лицензияны және (немесе) лицензияға қосымшаны береді. Қосымша білім беру саласындағы қызмет лицензиялауға жатпайды.

• 19.11.2020
• 397