Тұтынушылар үшін қоғамдық қабылдау онлайн режимде өтті

2022 жылғы 2 тамызда ҚР ЭМ Табиғи монополияларды реттеу комитеті ТКШ қызметтердің тұтынушылары үшін Фейсбук арқылы трансляциялаумен қоғамдық қабылдау өткізді.

Әрбір тұтынушы тікелей эфирге қосылуға, қызықтыратын сұрақ қоюға және оған жауап алуға мүмкіндік алды.

Қоғамдық қабылдауда ТМРК басшысының орынбасары Нұрлан Болатбаев төрағалық етті, ол барлығымен амандасып, белсенді түрде сұрақтар қоюды сұрады.

Тұтынушылар өңірлер бөлінісінде газ тарифтердің өзгеруіне, сондай-ақ газбен жабдықтау саласындағы монополист субъектіге қатысты сот талқылауларының қорытындыларына қатысты хабардар етілді.

Сондай-ақ, тікелей эфирде т/ж тасымалдары саласындағы субъектілердің өтінімдерін қарау бойынша ағымдағы жағдайы туралы хабарланды.

Электр энергетикасы саласы бойынша ТМРК өкілі баршаға Энергетика министрлігінің бұйрығына сәйкес энергия өндіруші ұйымдардың тарифтерінің жақындағы өсуіне байланысты, қазіргі уақытта аумақтық департаменттерге энергиямен жабдықтаушы ұйымдардың өтінімдері түсіп жатқаны туралы хабарлады, олар мұқият қаралатын болады.

Сумен жабдықтау және су бұру саласындағы реттеу басқармасының басшысы аталған нарықтарда қызметін жүзеге асыратын субъектілердің тариф белгілеуі және олардың есептерін қарау нәтижелері туралы айтып берді.

Қабылдау барысында бірқатар сұрақтар келіп түсті, оларға ТМРК төрағасының орынбасары тиісті жауаптар берді.

• 05.08.2022
• 326