Қарағанды облысында жүзеге асырылып жатқан инвестициялық жобалар бойынша қысқаша мәлімет

Биыл 11 ірі жобаны іске қосамыз, онда екі мыңға жуық тұрақты жұмыс орнын құру жоспарлануда. Оларды іске асыруға шамамен 212,7 млрд теңге инвестицияланды, 5 жоба – шетелдік қатысумен.

Импортты алмастыратын жобалардың бірі іске қосылды. Бұл «Сарыарқа» АЭА аумағында 30 жұмыс орнын құрумен «АлтынАрна Geosynthetics» ЖШС геомембранасының өндірісі.

Тамыз айында «Борусан Макина Қазақстан» ЖШС сервистік орталығының ашылуын күтудеміз.

Қазан айында Балқаш қаласында қуаты сағатына 50 мВт «Kaz Green Energy» күн электр станциясы өз жұмысын бастайды.

Қараша айында – 100 жұмыс орнына арналған «Sunpaper» ЖШС қағаз негізіндегі санитарлық-гигиеналық өнім және 140 жұмыс орнына арналған «Irkaz Metal Corporation» ЖШС катодты мыс өндіретін зауыт өндірісі ашылады. Мұнда жылына 5 мың тоннаға дейін катодты мыс өндіріледі.

Желтоқсан айында ресейлік «Татнефть» компаниясымен бірлесіп, 1 116 жұмыс орнын құра отырып, автомобиль шиналарын өндіру жөніндегі ірі жобаны іске асыруды аяқтауды жоспарлап отырмыз.

Келесі жылы Саран қаласында жылына 1,1 млн.бірлік өндірілетін өнім көлемімен «Artel» тұрмыстық техника өндірісін іске қосу жоспарлануда. Мұнда теледидарлар, электр су жылытқыштар, шаңсорғыштар, ас үй плиталары, шағын пештер, ас үй сорғыштары және кір жуғыш машиналар (жартылай автоматты) шығарылады.

Жалпы, бірінші жартыжылдықта тартылған инвестиция көлемі 264 млрд теңгеден асты. Жыл соңына дейін өткен жылға қарағанда 5,5% өсіммен 732,5 млрд теңге инвестиция тарту жоспарланған. Оның ішінде, 80% - дан астамы - жеке инвестициялар. Осы жобаларды іске асыру өндіріс көлемін ұлғайтуға, шикізаттық емес экспорттың өсуін қамтамасыз етуге және импорт көлемін азайтуға мүмкіндік береді.

• 09.08.2022
• 250