Балқаш қаласының тұрғындарымен кезекті кездесу өткіздім

Балқаштықтарда сумен жабдықтау және жылыту, қаланы абаттандыру бойынша көптеген мәселелер бар. Кейбір мәселелер біртіндеп шешілуде, бірақ қосымша ресурстарды қажет ететін мәселелер бар.

Жазда Балқашта үнемі су проблемасы орын алады. Осы жылдан бастап біз бұл мәселені түбегейлі шешу бойынша жобаны бастадық. Балқаштың ішкі орамдарында 22 шақырым су құбыры желісін қайта құру басталды. Сумен жабдықтау және су бұру мәселелерін шешкеннен кейін жолдарды жөндеуге кірісеміз. Биылғы жылы «Тоқырау-Саяқ» су құбырын жөндеу аяқталады.

Қоңырат шағын ауданының ішкі кварталдарында М1 және М2 жылу магистральдарының және жылу желілерінің құрылысы жалғасуда. Онда биыл сорғы станциясының құрылысы басталады, содан кейін қалған 4 шақырым жылу желілерінің құрылысы аяқталады. Осы жылыту маусымының өзінде орталық жылумен жабдықтауға 120 үй қосыла алады.

Балқаштың визит карточкасы – «Тәуелсіздік» алаңы. Оны абаттандыру өткен жылы басталып, осы күзде аяқталады. Алаң бұрынғысынан әлдеқайда үлкен болады. Жаңа бөлікте амфитеатр, сахна, шатыры бар балалар алаңы және құрғақ субұрқақ салынады. Күзде Балқашта 1650 көшет отырғызу жоспарлануда. 2 жыл ішінде қаланың суару жүйесі қайта жаңғыртылады. 18 көпқабатты тұрғын үйдің қасбеттері сырланды. Оның ішінде үш үйдің шатыры ауыстырылуда.

Қаланы санитарлық тазарту бойынша. Балқаш қаласындағы рұқсат етілмеген қоқыс орындарына бейнекмералар орнату басталды.

Құрылыс бойынша. Биыл Таунхаустарды, Сәбитов шағын ауданындағы емхананы, «Қоңырат» шағын ауданындағы дене шынықтыру-сауықтыру кешенін, әкімдіктің ашық ғимараттарын жөндеу аяқталады.Осы күзде Балқашта тірек-қимыл аппараты бұзылған және психоневрологиялық аурулары бар балаларға арналған оңалту орталығы ашылады. Екі қабатты ғимарат жөнделді, қазір ол заманауи құралдармен жабдықталып, қызметкерлермен қамтамасыз етілуде.

Балқаш курорттық аймағын дамыту бойынша.

Балқаш қаласындағы Бертіс шығанағының туристік нысандарына инженерлік инфрақұрылымның құрылысы аяқталуда. Балқаш қаласына қосылған Тораңғалық және Шұбар Түбек кенттерінде инвесторлар үшін 90 гектар бос жер телімдері қолжетімді болады. Балқашта барлығы 17 демалыс аймағы мен қонақ үй салу жоспарлануда. 8 демалыс орны салынып жатыр. «Қарағанды – Балқаш» жолының 363 шақырымы бойында жол бойындағы сервистің үш ірі нысанының құрылысы жоспарлануда. Санитарлық-гигиеналық мақсаттағы 19 алаң салынады.

Тұрғындармен кездесуден кейін бірден жеке қабылдау өткіздім. Негізінен тұрғын үй, абаттандыру және денсаулық сақтау салаларына қатысты мәселелер айтылды. Барлық мәселені бақылауға алдым.

• 12.08.2022
• 284