Сіздерді Халықаралық жастар күнімен құттықтаймын!

Туған өлкеміздің ғана емес, бүкіл еліміздің болашағы - қазіргі оқушылар мен студенттерге, жас мамандарға байланысты.
Еліміздің жастарына тұлға ретінде даму үшін барлық жағдайлар жасалған. Жыл сайын атаулы стипендиялар тағайындалып, гранттар бөлінуде, "JAS AQMOLA" облыстық жастар сыйлығы, "AQMOLA POWER" инновациялық жобалар конкурсы, "Ұлы тұлғалар жолымен", "Жас ұстаз – ел болашағы", "Студенттік көктем" фестивалі сияқты ауқымды дәстүрлі жобалар іске асырылады, сонымен қатар барлық қажетті инфрақұрылымдар салынуда.

Бүгінгі жастар қазірдің өзінде шығармашылық және кәсіби дамуда табысты қадамдар жасап, ғылымда, бизнесте алғашқы маңызды жеңістерге қол жеткізіп, уақыттың барлық сын-тегеуріндеріне тамаша жауап бере отырып, қоғамдық, спорттық және әлеуметтік жобаларды табысты іске асырып келе жатқанын атап өткен жөн.

Біз сіздермен мақтанамыз!

Ақмолалық жастар көп ғасырлық дәстүрі мен бай мәдениеті және ұлы тарихы бар жерде тәрбиеленуде.

Білім алып, жұмыс істеп, алдағы мақсаттарға қол жеткізе беріңіздер! Сіздер аға ұрпақтардың үздік дәстүрлерін сақтап, Отанымыздың гүлденуіне үлес қосасыздар деп сенемін. Сіздердің біліміңіз, кәсібилігіңіз бен күш-жігеріңіз оның әл-ауқатының кепілі болып табылады.
Сіздерге шын жүректен зор денсаулық, ең батыл жоспарларды жүзеге асыруда табыс және амандық тілеймін!

• 13.08.2022
• 222