ОКҚ брифингінде Тимур Қосымбаев халық үшін электр энергиясының бағасы қалай өзгеретіні туралы айтып өтті

16 тамыз күні ҚР Президенті жанындағы Орталық коммуникациялар қызметінде өткен баспасөз конференциясында ҚР Ұлттық экономика министрлігі Табиғи монополияларды реттеу комитеті (бұдан әрі - ТМРК) төрағасының міндтін атқарушы Тимур Қосымбаев халық үшін электр энергиясының бағасы қалай өзгеретіні туралы айтып өтті.

Тимур Қосымбаев бүгінгі таңда 100-ден астам кәсіпорын іс жүзінде энергиямен жабдықтау қызметтерін көрсететінін, оның ішінде 37 кәсіпорынға ТМРК бағаларды мемлекеттік реттеу қолданылатындығын хабарлады.

Сондай-ақ, ол түпкілікті тұтынушы үшін электр энергиясының бағасы үлес орта есеппен 61% - ды құрайтын энергия өндіруші ұйымдардың босату бағасына, электр энергиясын беру тарифтеріне және энергиямен жабдықтаушы ұйымның жабдықтау үстемеақысына сүйене отырып қалыптастырылады, олардың үлесі түпкілікті бағада тиісінше 35% және 4% - ды құрайтынын атап өтті.

Тарифтік реттеуші төрағасының орынбасары халық үшін электр энергиясы бағасының өзгеруі субъектілерден түскен өтінімдерге қарай қалыптастырылатын болады және әрбір өңір бойынша әлеуметтік-экономикалық жай-күйге мұқият талдау және халық үшін тарифтердің өзгеруінің әрбір жағдайы бойынша жеке тәсіл жүргізілетін болады және  тұтынушылардың қаражатын орынсыз пайдалану анықталған жағдайда, тарифтерді төмендете отырып, уақытша өтемдік тариф қолданылатын болады.

Тимур Қосымбаев тарифтің өсуі тұрғындар үшін барынша азайтылатын болады   деп атап өтті.

• 17.08.2022
• 316