«Аграрлық несие корпорациясы» АҚ қызметі туралы негізгі ақпарат

«Аграрлық несие корпорациясы» АҚ «Бәйтерек» ұлттық басқарушы холдингінің еншілес ұйымы болып табылады. 2001 жылдан бастап агробизнесті дамытуға жеңілдетілген шарттармен несиелер беріп келеді.

Корпорация АӨК субъектілерін тікелей қаржыландыру арқылы да, қаржы институттарын – несие серіктестіктерін, екінші деңгейлі банктерді, микроқаржы ұйымдарын, лизингтік компанияларды – қаржыландыру арқылы да қолжетімді несиелеуді қамтамасыз ететін ірі қаржы институты.

2021 жылдың қорытындысы бойынша компанияның несие портфелі 76,5 мың қарыз алушыны біріктірді, портфель 817,7 млрд теңгені құрады.

Соңғы бес жылда корпорация арқылы қаржыландырудың жылдық көлемі 1,6 есе өсті: 2017 жылғы 201,5 миллиард теңгеден 2021 жылы 322,5 миллиард теңгеге дейін. Мәселен, 2022 жылдың бірінші жартыжылдығында корпорация 7 мыңға жуық фермерді қаржыландыруға 182,5 миллиард теңге бөлді.

Несие берудің әмбебап шарттары ірі бизнеспен қатар шағын және орта бизнесті де қамтиды. Корпорация мал шаруашылығын, өсімдік шаруашылығын және ауыл шаруашылығы өнімдерін өңдеуді дамыту жобаларына несие береді.

Несиелеу үш бағдарлама бойынша жүзеге асырылады: «Кең дала», «Агробизнес», «Іскер».

«Кең дала» бағдарламасы бойынша АӨК субъектілеріне көктемгі егіс және егін жинау жұмыстарына несие беріледі.

«Агробизнес» бағдарламасы ірі және шағын ауыл шаруашылығы тауарын өндірушілерге құрал-жабдық сатып алуға, нысандарды жаңғыртуға, құрылыс-монтаж жұмыстарын жүргізуге және айналым қаражатын толықтыруға несие беруді көздейді.

«Іскер» бағдарламасы жұмысын жаңадан бастаған кәсіпкерлерді, нәтижелі жұмыспен қамтуды және жаппай кәсіпкерлікті дамытуға бағытталған.

Сонымен қатар, 2020 жылдың желтоқсан айынан бастап корпорация аграрлық секторда сақтандыру агенттігінің қызметтерін көрсетуде. Соңғы үш жылда ауыл шаруашылығын сақтандыруға қызығушылық артты: мысалы, 2020 жылы 93 сақтандыру шарты жасалса, 2022 жылдың алты айында 184 сақтандыру шартына қол қойылды, 308 мың га және 60 мыңнан астам мал (ірі қара мал, жылқы, қой, құс) сақтандырылды. Бірінші жартыжылдықта төленген субсидиялардың көлемі 500 миллион теңгеден асты.

Аграрлық несие корпорациясының ресми сайты: agrocredit.kz

• 19.08.2022
• 204