Теміртау қаласына жұмыс сапарым

Газ-ауа қоспасының тұтануына байланысты үйлері зардап шеккен тұрғындармен кезекті кездесуді өткіздім. Қазір үйде техникалық тексеру жүргізілуде. Толық қорытынды келесі аптада әзір болады. Тұрғындарға Теміртау политехникалық колледжінің жатақханасынан уақытша тұрғын үй берілді. Теміртаудың әкіміне жедел түрде қажетті көмекті көрсету тапсырылды.

Жұмыс сапары аясында қала тұрғындарымен есеп беру кездесуін өткіздім. Қалада көптеген проблемалар бар, олардың барлығы біртіндеп шешілуде.

Өзекті мәселелердің бірі – жылыту маусымы. Бүгінде Теміртауда жылу тапшылығы шамамен 250 Гкал құрайды. Қолға алынған жетінші қазандықтың құрылысы 2-ЖЭО-ның қуатын арттыруға мүмкіндік береді. Құрылыс жұмыстары 80% орындалды. Сонымен қатар жабдықты монтаждау жүргізілуде. Қазандық келесі жылыту маусымында іске қосылады.

Осы жазда №3 қалалық жылу магистралін күрделі жөндеуді бастадық. Биылғы жылы құбырларды төсеу жұмыстарын аяқтау қарастырылған. Желілерді монтаждау қыркүйек айында аяқталады деп жоспарлануда.

Мичурин көшесіндегі су таратқышты күрделі жөндеу бойынша. Аталған құбырлардың тозуына байланысты тұрғындар бірнеше рет сусыз қалған болатын. Қазіргі уақытта 3 км құбыр жүргізілді. Бұл қаланың шығыс бөлігінде орналасқан 500-ден астам көпқабатты үйлердің тұрғындары үшін сумен жабдықтау сапасын айтарлықтай жақсартады.

Сондай-ақ 60 аула алаңы жөнделеді. Үнемдеудің арқасында ойын элементтері тағы 10 аулада орнатылады. Барлық жұмыстар қыркүйек айында аяқталады.

Сапар барысында 6 жыл бойы апатты жағдайда тұрған №12 мектепте жүргізіліп жатқан күрделі жөндеу жұмыстарымен таныстым.

• 19.08.2022
• 339