Ерекше балалардың ата-аналарымен кезекті онлайн-кездесуді өткіздім

Кездесуде балаларды оқыту және олардың бос уақытын ұйымдастыру мәселелері талқыланды.

Білім басқармасымен бірге көру қабілеті мен ақыл-ойы жетілмеген балаларға арналған оқулықтарды алу мәселесін шештік. Бұл мақсатқа 76,6 млн теңге бөлінді. Аталған қаражат қажетті кітаптардың 15 200 данасын сатып алуға мүмкіндік берді.

Аутизмі бар балаларды қолдау орталығы бойынша. Бүгінгі күні құрылыс-монтаждау жұмыстары 70% - ға орындалды. Жиһаз және жабдықтар сатып алынды. Арнайы оқытудан өткен педагогтар жұмысқа қабылданды. Орталық қыркүйек айының соңында ашылады.

Сондай-ақ арнайы білімге ие педагогтардың жетіспеушілігі мәселесі бар. Биылғы жылы аутист балалармен өзара іс-қимыл бойынша педагогтар мен ата-аналарды оқыту курстарына қажетті қаражат бөлінді.

Кездесу қорытындысы бойынша барлық бейінді басқармаларға ерекше балалардың ата-аналарымен жиі кездесіп тұруды тапсырдым. Өзара тығыз байланыс мәселелерді тез шешуге мүмкіндік береді.

• 25.08.2022
• 328