Ұлттық экономика министрі Қарағанды облысының өндірістік нысандарын аралады

Қарағанды облысына жұмыс сапары барысында Ұлттық экономика министрі Ә.Қуантыров кәсіпкерлікті дамыту мен қолдаудың мемлекеттік бағдарламалары бойынша жұмыс істеп тұрған және салынып жатқан өндірістік нысандарына барды.

Қарағанды облысының Саран қаласында ҰЭМ басшысы Қазақстан мен таяу шетел нарығына жылына 3,5 млн. шина шығаруға қабілетті «KamaTyresKZ» зауытының құрылыс барысымен танысты. Жобаның құны 125 млрд. теңгені құрайды. Қазір зауытта 140-қа жуық адам жұмыс істейді. Құрылыс толық аяқталып, пайдалануға берілгеннен кейін кәсіпорын 1116 тұрақты жұмыс орнын қамтамасыз етеді деп күтілуде.

Содан кейін Ә.Қуантыров «QazTehna» автобус және коммерциялық техника шығаратын жаңа зауытқа барды. 2021 жылдың шілде айынан бастап «QazTehna» 300-ден астам қоғамдық көлік шығарды. Кәсіпорынның жалпы жобалық қуаттылығы жылына 1500 бірлік техника құрайды. Зауыт ішкі нарықты көлікпен қамтамасыз етеді, сонымен қатар ЕАЭО елдеріне өнім экспорттайды. Инвестиция көлемі 22,1 млрд. теңгеге тең. Кәсіпорын моноқала тұрғындары үшін 1000 жұмыс орын қамтамасыз етпек. Қазіргі уақытта зауытта 400 адам жұмыс істейді.

Сондай-ақ, жұмыс сапары кезінде ҰЭМ басшысы «Maker» Қарағанды құю-машина жасау зауытында болды. Ірі өнеркәсіптік нысан халықтың табысын арттыруға бағытталған мемлекеттік бағдарламасын іске асыруға белсенді қатысады. Атап айтқанда, зауыт өз қызметкерлерінің жалақысын 30% өсірді. Жұмысшылардың нақты саны 883. Құны 13,7 млрд. теңге болатын жоба ішкі нарыққа жылына 12 383 тонна өнім шығара алады. 2021 жылы кәсіпорын 12 млн. теңгеден астам сомаға өнім шығарса, ағымдағы жылдың 7 айында өндіріс көлемі ақшалай баламада 8 млн. теңгені құрады.

Ұлттық экономика министрі барған келесі нысан «Қолғанат-Қарағанды» арнайы киім, респиратор және корпустық жиһаз өндіретін отандық фабрикасы болды. Фабрика 2015 жылдан бастап әлеуметтік кәсіпкерлік бағдарламасы аясында жұмыс істейді. Ұжымда 45 адам еңбек етуде. Жартысынан көбі – мүмкіндігі шектеулі адамдар. Цех ішкі нарықты жылына 30 мың жұмыс киімімен және 720 мың респиратормен қамтамасыз етеді.

Жалпы, Қарағанды облысындағы құрылыс жұмыстарының көлемі ағымдағы жылдың 7 айында 163,6 млрд. теңгені құрады. Осы кезеңде өңірде өнеркәсіп өндірісінің көлемі 2186,3 млрд. теңгеге жетті. 

Кәсіпкерлікті дамыту картасы аясында 2022 жылы 1216 жаңа жұмыс орындарды құрумен соммасы 130,7 млрд. болатын 2 жобаны іске қосу жоспарлануда. Жұмыс істеп тұрған ШОБ субъектілерінің саны 84,6 мыңға тең.

• 27.08.2022
• 309