«Асыл сөз» республикалық мектебінің шеңберінде «Мың бала» мәдени-ағартушылық жобасының жеңімпаздарын марапаттау рәсімі

            2020 жылғы 20 қарашада Нұр-Сұлтан қаласының Достық үйінде онлайн форматта «Мың бала» мәдени-ағартушылық жобасының жеңімпаздарын марапаттау рәсімі өтті. Іс-шараға Қазақстан халқы Ассамблеясы Төрағасының орынбасары, Ассамблея хатшылығының меңгерушісі Жансейіт Түймебаев, Ақпарат және қоғамдық даму вице-министрі Марат Әзілханов және тағы басқалары қатысты.

            Жансейіт Түймебаев өз сөзінде Жоба Қазақстан халқы Ассамблеясының бастауымен еліміздің барлық өңірлерінде 2015 жылдан бері іске асырылып жатқанын айтты. Ол Жоба мемлекеттік тілді үйренуге ниет білдіргендерге жақсы мүмкіндік беретінін атап өтті. Сондықтан Жобаға қатысушылар мен жеңімпаздар саны жылдан жылға ұлғайып келеді. Мәселен, егер 2018 жылы олардың саны 47 болса, 2019 жылы 57-ге дейін жетті. Ағымдағы жылы 65 адам Жоба жеңімпаздары атанды.

            «Мың бала» жобасы шеңберінде ағымдағы жылы қазақ тіліне үйрететін «Тіл мектебі» атты авторлық бағдарлама әзірленді, түрлі этностардың балалары мен жастарына арналған «Асыл сөз» мектебінің коммуникативті тренингтері мен курстары өткізілді. Ағымдағы жылы Жоба шеңберінде «Абайдың 175 жылдығы» акциясы іске асырылғаны айтулы оқиға.

            Өз кезегінде өңірлердегі Жоба жеңімпаздары да сөз сөйледі. Олар қатысып өз қабілеттерін көрсете білгендері үшін Жоба ұйымдастырушыларына алғыстарын білдірді.

            Барлық жеңімпаздарға өңірлеріне алғыс хаттар мен бағалы сыйлықтар жіберілді.

            Іс-шара ұйымдастырушысы – ҚР АҚДМ Қолданбалы этносаяси зерттеулер институты.

• 20.11.2020
• 464