Асан Дарбаев Ақтөбеде «Aqtobe su-energy group» АҚ нысандарына барды

2022 жылғы 2 қыркүйекте Қазақстан Республикасы Ұлттық экономика министрлігі Табиғи монополияларды реттеу комитетінің төрағасы Асан Дарбаев жұмыс сапарымен Ақтөбе қаласына  келді, онда «Aqtobe su-energy group» АҚ-ның нысандары бойынша баспасөз турына қатысты.

Баспасөз турды ҚР ҰЭМ Табиғи монополияларды реттеу комитетінің Ақтөбе облысы бойынша департаменті ұйымдастырды және өткізді.

Іс-шараға сондай-ақ субъектінің өкілдері және басқа да мүдделі тұлғалары қатысты.

Айта кететін жағдай, «Aqtobe su-energy group» АҚ Ақтөбе қаласында реттеліп көрсетілетін сумен жабдықтау, су бұру және жылумен жабдықтау қызметтерін көрсететін базалық табиғи монополия субъектісі болып табылады.

Өз кезегінде, инвестициялық бағдарламалардың орындалуын және жөндеу қорының игерілуін көрнекі көру мақсатында, бүгін жылумен жабдықтау нысандарында баспасөз туры өткізілді.

«Aqtobe su-energy group» АҚ жылумен жабдықтау жүйелерін дамыту, реконструкциялау және жаңғырту жөніндегі 2021-2025 жылдарға арналған инвестициялық бағдарламасы Қазақстан Республикасы Ұлттық экономика министрлігі Табиғи монополияларды реттеу комитетінің Ақтөбе облысы бойынша департаменті мен Ақтөбе облысының энергетика және тұрғын үй-коммуналдық шаруашылық басқармасының бірлескен бұйрығымен жалпы сомасы 2 528 463,60 мың теңгеге бекітілді. Оның ішінде 2021 жылға инвестициялардың жалпы көлемі 710 741,08 мың теңге сомасында жоспарланған.

Баспасөз-турына қатысушылар 2021-2025 жылдарға арналған инвестициялық бағдарламамен, оның ішінде бекітілген инвестициялық бағдарлама шеңберінде 2022 жылы орындалған және орындау жоспарланған іс-шаралармен танысты.

Жүргізілген тәуелсіз сараптамалық бағалау нәтижелері бойынша жылумен жабдықтау желілерінің орташа тозуы-54,9% анықталды.

Осыған байланысты кәсіпорынның техникалық саясатының негізгі бағыты озық технологияларды қолдана отырып, жылу желілерін жаңғырту болып табылады.

Бекітілген іс-шараларды іске асыру мынадай көрсеткіштерге қол жеткізуге мүмкіндік береді:

1) Энергия ресурстарының ысырабын азайту (жылу энергиясын беру, бөлу және жабдықтау);

2) Негізгі құралдардың тозуын төмендету;

3) Жылу желілеріндегі зақымданған құбыржолдардың санын азайту;

4) Тұтынушыларға үздіксіз және сапалы қызмет көрсетуге.

• 02.09.2022
• 288