ҚР АҚДМ Этносаралық қатынастарды дамыту комитетінің төрағасы Ғалым Шойкин Жамбыл облысы Қордай ауданының тұрғындарымен кездесті

Ағымдағы жылғы 14 тамызда ҚР Ақпарат және қоғамдық даму министрлігінің Этносаралық қатынастарды дамыту комитетінің төрағасы Ғалым Шойкин мен ҚР Парламенті Мәжілісінің депутаты Ілияс Буларов жұмыс сапарымен Жамбыл облысының Қордай ауданында болды. Жұмыс сапардың басты мақсаты этносаралық қатынастар саласындағы мемлекеттік саясаттың басымдықтарымен танысу, мемлекеттік органдардың, сондай-ақ қоғамдық құрылымдардың және азаматтардың өңірдегі этносаралық бейбітшілік пен келісімді нығайту жөніндегі жұмысының тиімділігін арттырудың өзекті мәселелерін талқылау үшін көпэтносты елді мекендердің тұрғындарымен кездесу болды.

Масаншы және Сортөбе ауылдарындағы кездесулерге этномәдени бірлестіктердің мүшелері, қоғам белсенділері, жастар өкілдері, имамдар, мемлекеттік мекеме қызметкерлері және т.б. қатысты.

Ғалым Шойкин өз сөзінде елімізде бейбітшілік пен келісім әрқашан мемлекеттік саясаттың басты басымдықтары болып табылатынын атап өтті. Сонымен бірге этносаралық татулықтың сақталуы мен дамуы тек мемлекетке ғана емес, еліміздің әрбір азаматының қосатын үлесіне де байланысты.

Этнос пен тілге қарамастан, азаматтар құқықтарының теңдігін қамтамасыз ету, ксенофобияға жол бермеу қажеттілігі ерекше аталып өтілді. Сонымен қатар этностарды біріктірудің ең тиімді жолы және барша қазақстандықтарды біріктіруші фактор ретінде мемлекеттік тілді білудің маңыздылығы айтылды.

Масаншы және Сортөбе ауылдарының тұрғындарымен кездесу форматы қатысушыларға еркін пікір алмасуға, халықты толғандыратын өзекті мәселелер бойынша өз көзқарастарын білдіруге мүмкіндік берді. Ғалым Шойкин азаматтардың әр сауалына жан-жақты жауап беріп, ұсыныстарын айтты.

• 05.09.2022
• 209