Қазақстан-Түркия жастар көпірі

Қазақстан жастарының делегациясы Түркия Республикасының «Қазақстан-Түркия жастар көпірі» жобасына қатысты.   Делегация құрамына ҚР Ақпарат және қоғамдық даму министрлігі, жастар ұйымдарының қауымдастығы, қоғамдық қор өкілдері, «Тәуелсіздік ұрпақтары» грантының иегерлері, волонтерлер кірді.   Жоба Қазақстан, Түркия елдері жастарының жастар саясаты саласында тәжірибе алмасуына мүмкіндік береді.   Қазақстандық делегация мүшелері жоба аясында Түркия Республикасының Жастар және спорт, Білім министрліктері өкілдерімен кездесіп, Түркия Республикасы Президентінің жанындағы Ұлттық кітапханасы, Халықаралық жастар орталығы, спорттық және тарихи-мәдени нысандарының қызметімен танысты. Жоба қорытындысы бойынша тараптар салауатты өмір салты, нашақорлықтың алдын алу саласындағы әріптестікті дамытуға, сондай-ақ білім беру және волонтерлік саласында тәжірибе алмасуға келісті.

• 05.09.2022
• 206