Ақтөбе облысында Ералы Тоғжанов араласқаннан кейін битум жеткізу мәселесі шешіледі

Бұл туралы Ақтөбе облысының әкімі Ералы Тоғжановтың өңірде жол жөндеумен және салумен айналысатын 20 мердігер мекеменің өкілдерімен өткізген жиналысында мәлім болды.

Жиынға сондай-ақ, мемлекеттік органдардың басшылары, Ақтөбе қаласы мен аудан әкімдері қатысы. Өңір басшысы Шымкент қаласындағы битум зауытымен келісім жасалғанын, кәсіпорынның облыс сұранысын толық қамтамасыз етуге дайын екенін атап өтті.

«Біздің міндетіміз – барынша тығыз мерзімде облыс орталығындағы жол мәселесін жабу. Қазір жұмысты сапалы әрі көрсетілген мерзімде орындауға кім дайын екенін шешу үшін әрбір мердігермен сөйлесу керек», - деп атап өтті облыс әкімі.

Ақтөбедегі басым жол жобаларының қатарында Оңтүстік айналма жолды, Ақтөбе-Орск тас жолын, Тәуелсіздік даңғылы мен Мұстафа Шоқай көшесін жөндеу және салу жұмыстары бар.

«Біздің 1,5 айымыз қалды, қарқынды жұмыс істеу керек. Мен өз тарапымнан жан-жақты қолдау көрсетуге дайынмын»,- деген Ералы Тоғжанов республикалық жолдарды салуға және жөндеуге қажет битуммен қамтамасыз етуде проблема жоқ екенін айтты.

• 07.09.2022
• 276