Алматыда «Қазақстан-Герман сутегі ынтымақтастығы: статус-кво және болашағы» атты конференция өтті

2022 жылғы 7 қыркүйекте Алматы қаласында DENA Неміс энергетикалық агенттігінің және Қазақстан-Германия энергетикалық диалогы шеңберінде Орталық Азиядағы Германия экономикасы өкілдігінің қолдауымен «Қазақстан-Герман сутегі ынтымақтастығы: статус-кво және перспективалар» конференциясы өтті.

Конференцияда ГФР Экономика және климатты қорғау Федералды министрлігінің Сыртқы экономикалық саясат директоры, сауда-экономикалық ынтымақтастық жөніндегі қазақстан-герман үкіметаралық жұмыс тобының тең төрағасы проф. д-р Доминик Шнихельс, сыртқы экономикалық бөлімнің басшысы/басқарма мүшесі, Германияның сауда-өнеркәсіптік палаталары бірлестігі (DIHK) д-р Фолькер Трайер, сондай-ақ Германияның сауда-экономикалық ынтымақтастық жөніндегі үкіметаралық жұмыс тобының тең төрағасы доктор Доминик Шнихельс,  ҚР Энергетика вице-министрі Жандос Нұрмағанбетов құттықтау сөз сөйледі.

Вице-министр өз сөзінде ел экономикасының энергетикалық секторы үшін Германиямен стратегиялық әріптестіктің, сондай-ақ сутегі энергетикасы және жаңартылатын энергия көздері саласындағы ынтымақтастықтың маңыздылығын атап өтті.

ҚР Энергетика министрлігі қазіргі уақытта сутегі энергетикасын дамыту стратегиясының тұжырымдамасын әзірлеуде. DENA энергетикалық агенттігімен осы мәселеде қолдау көрсету жөнінде уағдаластыққа қол жеткізілді. Сондай-ақ ҚР Энергетика министрлігінің жоспарында баламалы энергия көздері туралы заң жобасын әзірлеу бар, ол сутегін тасымалдауға, сақтауға және пайдалануға қойылатын ұлттық стандарттар мен талаптарды әзірлеуді реттейтін болады.

Конференция аясында Қазақстан мен Германия арасындағы жаңартылатын сутек саласындағы ынтымақтастық әлеуеті қарастырылды.

Іс-шараға ҚР және Германия Энергетика министрлігінің өкілдері, неміс және қазақстандық кәсіпорындар мен ұйымдардың басшылары, энергетика, өнеркәсіп және жаңартылатын энергия көздері салаларының сарапшылары қатысты, бұл пікір алмасудың, оң тәжірибе және ортақ сын-тегеуріндердің маңыздылығын тағы да атап көрсетеді.

• 07.09.2022
• 322