Абай ауданының тұрғындарымен кездесу өтті

Ауданға жасаған жұмыс сапары барысында көкөністер мен картоп өсіруге маманданған «Поливное» фермерлік шаруашылығына бардым. Мұнда суармалы егіншілікпен 960 га жер қамтылған. Жиналған өнім тек базарларға ғана емес, сонымен қатар облыстың тұрақтандыру қорына да жіберіледі.

Жалпы, облыста егін жинау науқаны қызу жүріп жатыр. Қазірдің өзінде 50% - дан астам астық, 30% картоп және басқа да көкөністер жиналды. Өңірде астықты 25 қыркүйекке дейін, ал картоп пен көкөністі қазан айының басында жинап алу жоспарланып отыр.

Сондай – ақ Абай – Қарабас – Жартас - Долинка жолының қайта жөнделу барысымен таныстым. Бұл жол бұрыннан бері күрделі жөндеуді қажет ететін. Қазіргі уақытта 21 шақырымнан астам жолдың алты шақырымы қайта жөнделді. Мердігер осы жылы жолдың тағы екі шақырымын жөндеуді жоспарлап отыр. Қалған 13 шақырым жол 2023 жылы жөнделеді.

Осы жолы Абай ауданының тұрғындарымен кездесу Топарда өтті. Мамыр айындағы кездесуде көтерілген мәселелердің көбі өз шешімін тауып, қалғаны орындалып жатыр.

Көтерілген сұрақтардың ішінде электр желілерін ұстау мәселесі ерекше назар аударуды қажет етеді. Бұл мәселені электр желілерін «Қазақмыс» корпорациясының бөлімшесіне сенімгерлік басқаруға беру арқылы шешуге болады.

Кездесу барысында Топар кенті бойынша сұрақтар қойылған еді. Қазіргі уақытта тұрғындардың өтініші бойынша мұнда Дене шынықтыру-сауықтыру кешені салынуда. Сондай-ақ өткен ғасырдың 80-ші жылдарында салынған Энергетиктер паркі абаттандырылуда. Саябақта заманауи спорт және ойын алаңдары орнатылып, тротуарлар, жүгіру және велосипед жолдары мен гүлзарлар салынып, жарықтандыру жүргізіледі.

Бұдан басқа, Топарда жылу және су құбыры желілерінің проблемалық учаскелері жөнделіп, жылумен жабдықтау қызметтерінің тарифі қайта қаралды.

• 08.09.2022
• 310