ҚР Энергетика министрі мен Үндістан Қазақстандағы Төтенше және Өкілетті елшісі мұнай-газ кешені мен ЖЭК секторын дамыту мәселелерін талқылады

2022 жылғы 12 қыркүйекте ҚР Энергетика министрі Болат Ақшолақов Үндістан Республикасының Қазақстан Республикасындағы Төтенше және Өкілетті елшісі Шубдаршини Трипати ханыммен кездесті.

Кездесу шеңберінде мұнай-газ кешені мен жаңартылатын энергия секторын дамыту мәселелері талқыланды.

ҚР Энергетика министрі Болат Ақшолақов 2018 жылдан бастап Қазақстанда халықаралық аукциондық сауда-саттықтың теңдікке, адал бәсекелестікке және ашықтыққа негізделген ашық тетігі қолданылатынын атап өтіп, Үнді тарапын 2023 жылы өтетін аукциондарға қатысуға шақырды.

Үндістан елшісі мұнай-газ жобалары бойынша қатысу үлестерін алу, инжинирингтік және консалтингтік қызметтерді көрсету бойынша қазақстандық жобаларға қатысуға қызығушылық білдірді.

Кездесу қорытындысы бойынша тараптар мұнай-газ саласындағы ынтымақтастықты одан әрі дамыту туралы келісті.

• 12.09.2022
• 284