Елордада Мемлекет Басшысы Жолдауының негізгі ережелерін іске асыруды талқылауға арналған Қазақстан халқы Ассамблеясының Ғылыми-сарапшылық кеңесінің жұмыс отырысы өтті

Елордалық Достық Үйінде ҚР Ақпарат және қоғамдық даму министрлігінің қолдауымен Қазақстан халқына Президент Жолдауының негізгі қағидаларын іске асыруға арналған ҚХА Ғылыми-сарапшылық кеңесінің жұмыс отырысы өтті.

Іс-шараға Қазақстан халқы Ассамблеясы хатшылығының, ҚР Ақпарат және қоғамдық даму министрлігінің өкілдері, Ғылыми-сарапшылық кеңестің және өңірлердегі ғылыми-сарапшылық топтардың мүшелері, өңірлік Ассамблеялар мен «Қоғамдық келісім» КММ өкілдері қатысты.  

Баяндамашылар Президенттің Қазақстан халқына Жолдауын іске асыру кезеңінде әлеуметтік-экономикалық және қоғамдық-саяси салаларда айтарлықтай қайта жаңғыру күтіліп отырғанын және бұл мәселеде ғылыми-сарапшылық қауымдастықтың Президент Жолдауының ережелерін қолдау, түсіндіру жұмыстарына қатысуы маңызды рөл атқаратынын атап өтті.

ҚР Президенті жанындағы Қазақстан стратегиялық зерттеулер институты директорының орынбасары Алуа Жолдыбалина өз сөзінде Президент Жолдауының негізгі міндеттері – адами әлеуетті дамыту, бюджет, салық саясатын жетілдіру болып табылатынына назар аударды, сондай-ақ Мемлекет басшысының әлеуметтік-экономикалық блок бойынша негізгі бастамаларына тоқталды.

Педагогикалық қоғамдастық атынан Ұлттық жаңғыру мектеп-кешенінің директоры, Солтүстік Қазақстан облысы Ғылыми-сарапшылық тобының мүшесі Ләззат Жалмұқанова Мемлекет басшысының Жолдауында ұсынылған білім беру жүйесі жағдайының және білім беру секторын дамытудың негізгі ережелерінің маңыздылығы туралы айтып берді.

Отырыс барысында ҚХА ҒСК мүшесі, Л.Н.Гумилев атындағы ЕҰУ саясаттану кафедрасының профессоры Н.Калашникова сөз сөйледі. Ол этносаралық тақырып бойынша ғылыми-зерттеу жұмыстарының деректер базасын жүйелеу аясында жүргізіліп жатқан жұмыстар туралы айтып берді. Спикердің айтуынша, қазіргі уақытта этносаяси процестер мен этносаралық проблемалар саласындағы 180-нен астам дереккөзден тұратын ресурстық базасы кейсі жинақталған.

Отырыс барысында қатысушылар пікір алмасып, Президенттің «Әділетті мемлекет. Біртұтас ұлт. Берекелі қоғам» Қазақстан халқына Жолдауының іске асыруға қолдау білдірді.

• 14.09.2022
• 326