Нұра ауданына жұмыс сапарымен барып, тұрғындармен кездестім

Осыған дейін кездесу мамырда өткен болатын. Сол кезде көтерілген мәселелердің бірқатары орындалып, қалғаны шешілуде. Олардың оң шешімін табуда мемлекеттік бағдарламалар үлкен роль атқарады.

Мысалы, Нұра-Мыңбаев жолының учаскесінде жарықтандыру жүргізілді. Бұған қоса, Шұбаркөл, Нұра және Ахмет кенттеріндегі кентішілік жолдар, Алғабас ауылына дейінгі автожол учаскесі жөнделді. Сондай-ақ аудан орталығында тұрғын үй құрылысы жалғасын табуда. Нұра кентінде тротуарларды жөндеу қарастырылып отыр.

Шұбаркөл кентінде қазандық жөнделді. Ал Жанбөбек ауылында су құбыры желілерін қайта жаңарту аяқталды.

Алдағы 2023 жылы Құланөтпес (Теңіз) ауылында су құбырының құрылысын қолға алу, сондай-ақ Жараспай ауылында су құбыры желілерін қайта жаңарту және тұщыландырғыш кешенді орнату жоспарланып отыр.

Ал Байтуған және Заречное ауылдарында фельдшерлік-акушерлік пункттерді салу қарастырылған.

Сонымен қатар аудан орталығындағы кітапхана, үш елді-мекенде ауылдық клубтар жөнделді. Тағы үш ауылдық мәдениет үйінің шатырлары ауыстырылды.

Сондай-ақ Нұра кентінде өнер үйін, ал Баршын ауылында мәдениет үйін салуды жоспарлап отырмыз.

Тұрғындармен кездесу барысында және жеке қабылдауда қойылған барлық сұрақтар бойынша жұмыс жүргізіліп, олардың нәтижесі алдағы уақытта өтетін кездесулерде хабарланады.

• 14.09.2022
• 309