Ақтауда "Freedom Holding Corp" жаңа кеңсесі ашылды

14 қыркүйекте Ақтауда “Freedom Holding Corp” жаңа филиалының салтанатты ашылуы өтті, деп хабарлайды Маңғыстау облысы әкімінің баспасөз қызметі.

Іс-шараға Маңғыстау облысының әкімі Нұрлан Ноғаев, "Freedom Holding Corp" бас атқарушы директоры Тимур Турлов, мәслихат депутаттары, қоғам өкілдері мен кәсіпкерлер қатысты.

Корпоративтік даму стратегиясы аясында “Freedom Holding Corp” Ақтауда алғашқы әмбебап кеңсесін ашты.

Шара барысында өңір басшысы банк қызметкерлерін жаңа филиалдың ашылуымен құттықтады.

- Бүгін бізде облыс тұрғындары мен қонақтарына қаржылық қызмет көрсететін тағы бір бизнес субъекті ашылды. Аталған банк өз клиенттері үшін барлық қажетті қаржылық қызметтерді көрсететініне сенімдіміз. Бұл ретте банк қызметкерлері тұтынушылардың үмітін ақтап, бүгінгі күнге дейін өз құзыреттілігі шегінде қызмет етіп келеді. Осы қуанышты күні сіздерге жұмыста табыс, мықты денсаулық, отбасыларыңызға амандық тілеймін, - деді Нұрлан Ноғаев.

Бас атқарушы директордың сөзінше әмбебап кеңседе барлық банктік офлайн және цифрлық қызметтер қолжетімді болады: ұяшық ашу, депозит, брокерлік операцияларды жүзеге асыру үшін шотты толықтыру, тегін терминалы бар ЖК үшін Freedom Box кешенді шешімін сатып алу, бөліп-бөліп сату мүмкіндігі және тағы басқалар. Айта кетейік, банк "7-20-25" мемлекеттік бағдарламасы аясында цифрлық ипотека беру бойынша көшбасшы банктердің қатарында. Бағдарлама аясында банк 6 ай ішінде жалпы сомасы 82,1 млрд теңгеге 5 мыңнан астам қарыз берді.

-Біздің мемлекетіміздің технологиялылығының арқасында біз бірегей өнімдер жасап, озық fintech құра аламыз, бірегей интеграциялар жасай аламыз және әлемнің көптеген елдерінде мүмкін емес бизнес-процестің бөліктерін автоматтандыра аламыз. Бізде бар болған түгел өнімдер мен қызметтерді цифрландырып, қазіргі заманғы стандарттар бойынша жаңаларын жасап жатырмыз. Бірақ осымен бірге біз әлеуетті және қазіргі клиенттеріміз үшін офлайн-кеңселердің болу қажеттілігі мен маңыздылығын түсінеміз. Себебі менеджерлеріміз кеңес беріп қана қоймай, іс-әрекет тәртібін түсіндіреді және клиентті қиын жағдайда қолдап, өз мақсаттары мен міндеттерін нақтырақ түсінуге көмектеседі. Қаржылық қызметтерді алу кезінде кеңесшінің рөлі әлі де маңызды болып қала береді. Әмбебап кеңселердің ашылуының арқасында біз Қазақстанда қаржылық қызметтерді тұтыну мәдениетін дамыта отырып, ұсынылған компаниялардың клиенттері арасында өнімдерді тұтыну желісін кеңейте аламыз, - деп атап өтті Тимур Турлов

• 16.09.2022
• 255