Салық жеңілдіктерін экономиканың 29 секторында жұмыс істейтін шағын бизнес субъектілері алды

Қайырлы күн, құрметті блог қонақтары!

Карантиндік шектеулердің қолданылу кезеңінде зардап шеккен кәсіпорындарды қолдаудың кешенді шаралары миллионнан астам ШОБ субъектілерін қамтиды. ШОБ-ты дамыту – экономиканы әртараптандырудың, жұмыспен қамтуды, макроэкономикалық тұрақтылықты қамтамасыз етудің, сондай-ақ халық үшін тауарлар мен қызметтер өндірудің басты факторы. Қазіргі жағдайда шектеу карантиндік шаралары ШОБ-қа, әсіресе микробизнеске тікелей әсер еткені белгілі. Сондықтан шағын және орта бизнесті қолдау үшін салықтық ынталандырулар ұсынылып, несиелеу кеңейтіліп, бизнесті жүргізу шарттарын одан әрі жеңілдету бойынша шаралар қабылдануда. Атап айтқанда, салықтық ынталандыру шараларымен барлық шағын және орта бизнес субъектілері үшін барлық салықтар мен әлеуметтік төлемдерді төлеуді 2020 жылғы 1 маусымға дейін кейінге қалдыру көзделгенін еске саламыз. Экономиканың ең осал секторларында жыл соңына дейін мүлік салығының мөлшерлемесі нөлге тең. Ауыл шаруашылығы өнімдерін өндірушілер үшін ауыл шаруашылығы мақсатындағы жерлер бойынша жыл соңына дейін жер салығының мөлшерлемесі нөлге дейін төмендетілді. Әлеуметтік маңызы бар азық-түлік тауарларын сату және импорттау үшін ҚҚС ставкасы 2020 жылғы 1 қазанға дейін 12%-дан 8%-ға дейін төмендетілді. Экономиканың неғұрлым зардап шеккен секторларында 2020 жылғы 1 сәуірден бастап 1 қазанға дейін еңбекақы төлеу қорынан салықтар мен әлеуметтік төлемдер бойынша нөлдік мөлшерлемелер белгіленген. Бұл 0% жалақыдан жеке табыс салығы, міндетті зейнетақы жарналары, әлеуметтік салық және әлеуметтік аударымдар, міндетті медициналық сақтандыруға жарналар. Жалпы, жеңілдіктер шағын және орта бизнес қызметінің 29 түрін қамтиды. Мемлекет басшысының өткен жылы айтылған бастамасын - микро және шағын бизнестің табысына салынатын салықтан үш жылға босатуды (2020 жылдан 2022 жылға дейін) іске асыру микро және шағын бизнесті маңызды қолдауға айналды. Нәтижесінде 1 млн - нан астам микро және шағын кәсіпкерлік субъектілері үш жыл ішінде салықтар бойынша шамамен 382 млрд.теңгені үнемдейді. Сондай-ақ бизнестің қаржыландыруға қолжетімділігін кеңейту бойынша шаралар кешені қабылданды, өйткені дәл кредиттер мен кепілдердің қолжетімділігі «ШОБ-ты, әсіресе микробизнесті дамытудың факторы болып табылады». Сондықтан «БЖК 2025» мемлекеттік бағдарламасына «шағын және микробизнесті шағын несиелендіру» атты жаңа бағыт енгізіледі. Қаржыландыру субсидиялау есебінен 6%-дан аспайтын мөлшерлеме бойынша қолжетімді болады. Бүгінгі таңда мұндай несиелер бойынша мөлшерлемелер жоғары. Жаңа бағыт 6% мөлшерлемемен несие алуға мүмкіндік береді. Несиелер айналым қаражатын толықтыруға 5 млн.теңгеге дейін және өндірістік қажеттіліктерге 20 млн. теңгеге дейін беріледі. Бұл микробизнес өкілдерінің үлкен тобын қамтуға мүмкіндік береді.

• 21.11.2020
• 425