Маңғыстауда жаңартылатын энергия көздері саласындағы жобаларды іске асыру талқыланды

20 қыркүйекте Маңғыстау облысының әкімі «ENI» италияндық мұнай-газ компаниясының өкілдерімен кездесті, деп хабарлайды Маңғыстау облысы әкімінің баспасөз қызметі.

Кездесуге Эни СпА компаниясының Орталық Азия аймағы бойынша басшысы Лучано Васкес қатысты,
Табиғи ресурстар бөлімінің бас өндірістік директоры Эни Гуидо Бруско, Табиғи ресурстар бөлімшесінің барлау және өндіру жөніндегі директоры Эни Лука Виняти және американдық және Еуропалық аймақтардың басшысы Eni SpA Фабио Кастиглиони.

Кездесу барысында тараптар Маңғыстау облысында жаңартылатын энергетика саласындағы, сондай-ақ әлеуметтік жобаларды іске асыруға қатысты мәселелерді талқылады.

Өз кезегінде, аймақ басшысы Маңғыстау облысы инвесторлардың өңір үшін маңызды барлық бастамаларын әрдайым қолдауға дайын екенін жеткізді.

- Маңғыстау жеріне келген қадамдарыңыз құтты болсын! Бүгінгі таңда Маңғыстау облысы бір жерде авиациялық, теміржол, автомобиль және теңіз көлік желілері шоғырланған ірі көлік-логистика орталығына айналуда.
Мемлекет Басшысы Қасым-Жомарт Кемелұлының тапсырмасына сәйкес жаңартылатын энергия көздері саласындағы жобаларды іске асыру мақсатында белсенді жұмыс жалғасуда.
Облыста Түпқараған, Қарақия аудандарында жел электр станцияларының жобалары, жасыл сутегі бойынша ірі инвестициялық жоба іске асырылуда. Сондай - ақ Маңғыстау облысы үшін озық технологиялармен қамтамасыз етілген "ENI" компаниясымен байланысты нығайту өте маңызды екенін атап өткім келеді. Осыған байланысты біз екіжақты ынтымақтастықты нығайтуға бағытталған барлық бастамаларды қолдауға әрқашан дайынбыз, - деді Нұрлан Ноғаев.

Кездесу соңында облыс әкімі Маңғыстау облысы өзара тиімді және жемісті ынтымақтастыққа, кез келген ұсыныстар мен жобаларға дайын екенін атап өтті.

• 21.09.2022
• 316