Павлодар облысында этномәдени бірлестіктердің және мемлекеттік органдардың қатысуымен этносаралық қатынастарды нығайту мәселелері талқыланды

2022 жылғы 20 қыркүйекте Павлодар облысы Достық үйінің базасында ҚР АҚДМ Этносаралық қатынастарды дамыту комитетінің төрағасы Ғ.Н. Шойкин этномәдени бірлестіктердің, құқық қорғау органдарының өкілдерімен, Павлодар облысы аудандары мен қалаларының ішкі саясат бөлімдерінің басшыларымен, облыстық ҚХА ғылыми-сарапшылық тобының мүшелерімен және Павлодар облысының Ұлттық жаңғыру мектебінің педагогтерімен кездесті.

Кездесулер барысында этносаралық қатынастар саласындағы өзекті мәселелер, оның ішінде толерантты қарым-қатынастарды қалыптастыру, тілдік және этникалық белгілері бойынша азаматтардың ар-намысы мен абыройын қорлаудың кез келген түрін болдырмау мәселелері талқыланды.

Ғ. Шойкин өз сөзінде жалпыұлттық бірлікке өз әсерін тигізетін жағымсыз тенденциялардың алдын алу бойынша тиімді шаралар туралы ақпараттандырды, этникалық және тілдік тиесілілігіне қарамастан азаматтардың тең құқығын қамтамасыз етудің, этномәдени бірлестіктердің БАҚ-пен және үкіметтік емес ұйымдармен өзара белсенді әрекетінің, сондай-ақ аудандық және ауылдық деңгейлердегі әр азаматтың жүрегіне жететін түсіндіру жұмыстарын күшейту маңыздылығына тоқталды.

Сонымен қатар ол этносаралық тұрақтылықты нығайтудағы мемлекеттік органдардың рөлін атап айтты, этносаралық қатынастар саласындағы мемлекеттік саясатты іске асыру бойынша бірлескен нысаналы және үйлесімді жұмысты ұйымдастыруға баса назар аударды.

Ашық диалогтың қорытындысы бойынша мемлекеттік органдар мен этномәдени бірлестіктерге аймақтағы этносаралық қатынастарды одан әрі нығайту бойынша ұсынымдар берілді. Спикер кездесуге қатысушылардың сауалдары мен ұсыныстарына жауап берді.

• 23.09.2022
• 238