Мәжіліс экономикалық өсімді қалпына келтіру мәселелері бойынша заң жобасын мақұлдады

Қайырлы күн, құрметті блог қонақтары!

Мәжіліс депутаттары заң жобасын бірінші оқылымда мақұлдады

«Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» Заң жобасында азаматтардың зейнетақы жинақтарының бір бөлігін тұрғын үй жағдайларын жақсарту, емделуге ақы төлеу немесе жеке қаржы компанияларының басқаруына беру мақсатында пайдалануы үшін түзетулер көзделген. Жоғары білімге қолжетімділікті кеңейту үшін мемлекеттік білім беру кредиті бойынша түзетулер енгізу ұсынылады. Көп балалы және аз қамтылған отбасылардан, толық емес отбасылардан және мүгедектер тәрбиеленетін отбасылардан шыққан балаларды қолдауды қамтамасыз ету мақсатында білім беру гранты бойынша квоталарды кеңейту ұсынылады. Мемлекеттік жоспарлау жүйесінің тиімділігін арттыру үшін мемлекеттік органдардың ішкі рәсімдерін жеңілдетуге, Ақпараттық жүйелерді дамытуға, қойылған мақсаттар мен міндеттерді шешу үшін жобалық басқару қағидаттарын енгізуге бағытталған түзетулер ұсынылады. Тұтастай алғанда, заң жобасын қабылдау экономика салаларын, оның ішінде пандемияға байланысты шектеу шараларының салдарынан зардап шеккендерді дамытуды ынталандыруға мүмкіндік береді, сондай-ақ орнықты экономикалық өсу үшін негізді қамтамасыз етеді.

• 21.11.2020
• 392