Салықтық жоспарлы тексерулерден Қазақстанның бизнесі 2021 жылға дейін босатылды

Қайырлы күн, құрметті блог қонақтары!

Ағымдағы жылдың 1 қаңтарынан бастап үш жылға шағын және микрокәсіпкерлікке тексерулер мен профилактикалық бақылау жүргізуге мораторий енгізілді, сонымен қатар, жыл соңына дейін бизнестің барлық санаттағы субъектілері үшін жаңа жоспарлы салықтық тексерулер жүргізілмейді.

Салықтық ынталандыру шаралары қабылданды:

- 2020 жылғы 1 қаңтардан бастап арнаулы салық режимдерін қолданатын микро және шағын бизнес субъектілері Табысқа салынатын салықтардан үш жылға босатылды;

- экономиканың түрлі салаларында 2020 жылдың 1 қазанына дейін еңбекақы төлеу қорынан салықтар, әлеуметтік төлемдер және мүлік салығы бойынша мөлшерлемелер нөлденеді;

- ауыл шаруашылығы мақсатындағы жерлер бойынша жыл соңына дейін жер салығының мөлшерлемесі нөлге дейін төмендетілді;

- асыл тұқымды мал шаруашылығы саласындағы импорт үшін есепке жатқызу әдісімен ҚҚС төлеу мүмкіндігі берілді;

- 2020 жылдың 1 қазанына дейін әлеуметтік маңызы бар азық-түлік тауарлары үшін ҚҚСмөлшерлемесі 12% - дан 8% - ға дейін төмендетілді;

- 1 маусымға дейін салықтық әкімшілендіру және бақылау шаралары тоқтатылды. Шағын және орта бизнестің барлық субъектілері үшін барлық салықтар мен әлеуметтік төлемдерді төлеуді кейінге қалдыру енгізілді.

• 21.11.2020
• 469